Arna Ýr Jónsdóttir var krýnd Miss Universe Iceland árið 2017. Vísir tók við hana viðtal í hléi keppninnar. Þar var hún meðal annars spurð hvaða ráð hún myndi gefa keppendum og hvað henni þætti um keppnina þetta árið.
Arna Ýr var með tíu vikna dóttur sína, Ástrós Mettu, í viðtalinu. Ástrós Metta sofnaði í miðju viðtali, krúttlegra gerist það bara ekki.
Fyrir ári síðan var Arna Ýr spurð á sviði keppninnar hvað væri í kortunum hjá henni. Hún rifjar upp svar sitt fyrir Vísi.
„Ég sagði að mig langaði að búa til fjölskyldu og hér er ég með Ástrós Mettu Vignisdóttur, sem er svolítið þreytt,“ sagði hún brosandi.
Þú getur horft á allt viðtalið í spilaranum hér að neðan.
