Söngfuglinn Anna Mjöll Ólafsdóttir ber svo sannarlega nafn með rentu. Anna Mjöll, sem hefur verið búsett í Bandaríkjunum um árabil, er með flugmannsréttindi og hefur unun af því að fljúga. Fyrrverandi eiginmaður hennar, Cal Worthington, var flugmaður í hernum og átti flugvélar og einkaþotu og því gátu þau deilt þessari ástríðu á meðan allt lék í lyndi. Nú hefur söngfuglinn bætt enn einni fjöður í hattinn því Anna Mjöll nældi sér nýverið í einkaflugmannsréttindi og henni eru því allir vegir færir.