„Þér tókst að gera Fjallið að tilfinningabúnti“ segir Hafþór Júlíus Björnsson í óvenjulegri auglýsingu sem gefin var út fyrr á árinu frá fyrirtækinu Soda Stream.
Umrædd auglýsing býr yfir sérstöku Valentínusarþema og sést þarna Hafþór ber að ofan í huggulegri stellingu fyrir framan arineld. Hafþór les upp ýmis konar ástarbréf og ljóð sem nafnlausir Game of Thrones aðdáendum um allan heim hafa sent honum. „Ég elska þig eins og Kanye elskar Kanye,“ segir í einu bréfinu.
Bregst Fjallið við þessum hlýju kveðjum með óborganlegum hætti.
„Svo rómantískt,“ segir Hafþór meðal annars, en auglýsinguna má sjá að neðan.
Eins og margir Game of Thrones aðdáendur vita fór mikið fyrir Hafþóri í nýjasta þætti seríunnar. Segja má að margt hafi gerst í framvindu þáttarins en meðal þess var að hjálmurinn fékk loksins að fjúka af Fjallinu, sem heitir annars hinu rétta nafni Gregor Clegane.
Skemmst er þó að segja frá því að viðtökur við þættinum og aðkomu Hafþórs hafi verið heldur umdeildar.
