fbpx
Mánudagur 12.maí 2025
Fókus

Kína fjarlægir öll merki um samkynhneigð úr Bohemian Rhapsody

Tómas Valgeirsson
Fimmtudaginn 28. mars 2019 14:00

Ekki missa af Helstu tíðindum dagsins í pósthólfið þitt

Lesa nánar

Kvikmyndin Bohemian Rhapsody vann til flestra Óskarsverðlauna fyrr á árinu og hefur svo sannarlega slegið í gegn á heimsvísu. Myndin var frumsýnd í Kína á dögunum og hefur ritskoðaða útgáfan vakið gríðarlega athygli, þrátt fyrir að ritskoðanir á kvikmyndum séu fjarri því að vera óþekkt fyrirbæri í Kína.

Umrædd ritskoðun hefur sérstaklega snúið að efni sem snýr að tví- eða samkynhneigð fólks. Til að mynda fengu kvikmyndirnar Brokeback Mountain og Call Me By Your Name ekki dreifingu í landinu, en ástarsamband tveggja karlmanna var í brennidepli í báðum myndum.

Eins og kunnugt er segir Bohemian Rhapsody sögu söngvarans Freddie Mercury og feril hljómsveitarinnar Queen frá upphafsárum hennar. Söngvarinn var þekktur fyrir kynhneigð sína og lítur nú út fyrir að kínversk útgáfa myndarinnar hafi klippt út öll merki sem vísa til kynhneigðar hans eða alnæmissjúkdómsins sem hann greindist með.

Fréttaveitan CNN greinir frá því að kvikmyndin hefur verið klippt svo mikið niður að frásögnin verður sundurslitin og furðuleg. Kínverska útgáfan er sögð vera stútfull af holum og þykir hreinlega erfitt að fylgja framvindu myndarinnar á köflum. Sem dæmi má nefna að leikarinn Aaron McCusker sem leikur kærasta Mercury, Jim Hutton, hefur að megninu til verið fjarlægður og sjást heldur engin merki um tökurnar fyrir tónlistarmyndbandið I Want to Break Free.
Í tónlistarmyndbandinu sjást meðlimir hljómsveitarinnar í dragi.


Þessi ritskoðun í Kína veldur ekki síður usla í ljósi þakkarræðunnar frá leikaranum Rami Malek á Óskarnum, en hann hreppti styttuna fyrir besta karlleikara í aðalhlutverki.

Í ræðunni segir Malek:
„Okkur tókst að gera mynd um mann sem var samkynhneigður innflytjandi. Hann lifði sínu lífi skammarlaust sem hann sjálfur og það að ég skuli halda upp á hann og sögu hans hér í kvöld er sönnun fyrir því að okkur bráðvantar fleiri svona sögur.“

Þegar Óskarsathöfnin var sýnd á kínversku sjónvarpsstöðinni Mango TV var umrædd ræða Maleks ritskoðuð. Í textaþýðingunni var þá búið að skipta út orðunum „Okkur tókst að gera mynd um mann sem var samkynhneigður innflytjandi…“ fyrir setninguna: „Okkur tókst að gera mynd um mann sem tilheyrði sérstökum hópi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

Nýjar myndir af Hilary Duff vekja athygli – Sögð komin með sömu kinnbein og Madonna

Nýjar myndir af Hilary Duff vekja athygli – Sögð komin með sömu kinnbein og Madonna
Fókus
Fyrir 3 dögum

Allt sem þú þarft að vita um Ungfrú Ísland TEEN

Allt sem þú þarft að vita um Ungfrú Ísland TEEN
Fókus
Fyrir 3 dögum

Útskýrir af hverju hann ætlar að gefa nánast allan sinn auð

Útskýrir af hverju hann ætlar að gefa nánast allan sinn auð
Fókus
Fyrir 4 dögum

Simon Cowell afhjúpar villta kynlífsbeiðni – Parið var tilbúið að borga 19 milljónir

Simon Cowell afhjúpar villta kynlífsbeiðni – Parið var tilbúið að borga 19 milljónir
Fókus
Fyrir 4 dögum

Læknir varar fólk við því að pissa í sturtu

Læknir varar fólk við því að pissa í sturtu
Fókus
Fyrir 5 dögum

Wacken Metal Battle: Flösuþeytarar etja kappi á laugardag um að fá að spila í fyrirheitna landinu

Wacken Metal Battle: Flösuþeytarar etja kappi á laugardag um að fá að spila í fyrirheitna landinu