Hundaeigandinn Hrafnhildur P. Þorsteins rakst á mynd af hundi á dögunum og rak upp stór augu. Henni fannst nefnilega hundurinn sláandi líkur Kára Stefánssyni, forstjóra Íslenskrar erfðagreiningar.
„Mér fannst voffi svo líkur Kára. Ef Kári væri með 4 fætur þá yrði þetta útkoman,“ segir Hrafnhildur í samtali við DV. Hún deildi myndinni frægu inni í hópnum Hundasamfélagið með textanum: „Hver myndi ekki vilja eiga hund sem lítur út eins og ungur Kári Stefánsson?“
Nú getur hver dæmt fyrir sig – er hundurinn líkur Kára?