Reynir Bergmann er nýjasti gestur Egils Ploder í Burning Questions á Áttan Miðlar. Reynir Bergmann er einn stærsti áhrifavaldur Íslands og eigandi fyrirtækisins Park and fly. Hann ræddi um neikvæðu hliðar samfélagsmiðla í Föstudagsþættinum Fókus fyrr á árinu. Hann opnaði sig einnig um fortíð sína og harða fíkniefnaneyslu í einlægu viðtali við DV í fyrra.
Egill spyr Reyni hvað sé það skrýtnasta sem hann hefur gert til að eignast pening. Reynir deilir þá sögu frá Amsterdam, þegar hann fór í trekant með eldra fólki.
„Ohh ég er búinn að gera svo ógeðslega margt ruglað sko. Ég get sagt eina sögu þegar ég var ungur og mjög, mjög vitlaus og var úti í Amsterdam. Bara varð blankur mjög fljótt. Bara fór út og var bara mjög fljótt peningalaus. Vinur minn plataði mig inn á svona klúbb,“ segir Reynir og útskýrir nánar hvernig klúbbur þetta var.
„Klúbbur, svona „oldies“ eða eldra fólk. Og ég fór í þríleik með fólk á sjötugsaldri. Já það er örugglega það lang heimskulegasta sem ég hef gert fyrir pening. Þetta er svona það sem ég get sagt hér. Ég er búinn að gera svo mikið af hlutum sem [ég get aldrei sagt] en ég fór í þríleik með fólki á sjötugsaldri. Ég get sagt það frekar en margt annað. Aldur er bara tala.“
Hljóp nakin út úr klefa
Aðspurður hvað sé það vandræðalegasta sem hann hefur lent í segir Reynir það vera atvik sem gerðist fyrir um tveimur árum.
„Ég fór í sund á Selfossi og hljóp út úr klefanum en gleymdi að fara í buxurnar,“ segir hann. „Já ég hljóp bara út. Það var fullt af fólki í innilauginni. Ég sneri við og fattaði þetta. Ég bara var utan við mig.“
Orðrómur um vændi
Reynir segir að ein skrýtnasta lygin sem hann hefur heyrt um sig sjálfan er að hann sé með aðgang að klámsíðu og sé að selja sig. Hann hefur einnig heyrt þær lygar að hann sé sprautufíkill og eigi ekki fyrirtækið Park and fly.
„Fólk er svo ruglað sko,“ segir hann.
Þú getur horft á Burning Questions í heild sinni hér að neðan.
