fbpx
Fimmtudagur 19.september 2019  |

DV - Frjáls og óháður miðill

Fókus

Mesta snilldin og algjört klúður 21. aldarinnar

Lilja Katrín Gunnarsdóttir
Mánudaginn 15. júlí 2019 21:00

Ekki missa af Helstu tíðindum dagsins í pósthólfið þitt

Lesa nánar

Markaðssetning nútímans er vandmeðfarin, enda í mörg horn að líta. Oft skjóta auglýsingar eða herferðir upp kollinum sem hitta í mark. Sumar missa hins vegar marks. Við fengum nokkra sérfræðinga til að skera úr um hver væri mesta markaðssnilld 21. aldarinnar – og hvar hafi mistekist hrapallega.

Mesta snilldin

1. Sopranos-herferð Sorpu

„Þeir tóku leiðinlegt vörumerki og leiðinlega vöru (engum finnst gaman að flokka, í alvöru) og gerðu hana skemmtilega. Bragi baggalútur að skrifa handrit sem Helgi Björns lék svo eftir – það gat ekki klikkað.“

„Frábært „play on words“ og sniðug hugmynd og framkvæmd.“

„Þetta hefði getað farið svo illa, enda vísun í einn vinsælasta sjónvarpsþátt heims, en varð svo bara að goðsögn.“

2. Essasú froskur Vodafone

„Hann var jafn óþolandi og hann var frábær í einfaldleika sínum.“

„Ég man ekkert hvað þessi dásamlega óþolandi froskur átti að auglýsa en ég er enn að vitna í hann. Hve sorglegt er það?“

3. Fiskikóngurinn

„Það má margt segja um Fiskikónginn en það er óumdeilt að hann er konungur útvarpsauglýsinganna. Í útvarpi borga menn fyrir sekúndur. Hann skilur útvarp og nær að hámarka áhrif hverrar birtingar fyrir lítið fjármagn. Hver Íslendingur þekkir auglýsingarnar hans. HUMAR HUMAR HUMAR. Fiskikóngurinn. Sogavegi 3.“

„Þetta er allt í nafninu – hann er kóngurinn!“

Annað sem var nefnt: Jón Gnarr sem Lýður Oddsson fyrir Lottó og sem Júdas fyrir Símann, sjónvarpsþættir Hamborgarafabrikkunnar á Stöð 2, WOW air.

Verstu mistökin

1. Íslenskt grænmeti – þú veist hvaðan það kemur

„Það getur ekki verið góð hugmynd að skapa hugrenningatengsl við klósett í auglýsingu fyrir ferska matvöru. Og ég skildi aldrei almennilega hvers vegna konan í matvöruversluninni var að strjúka agúrkunni upp við andlitið á sér.“

„Mig langar svo að vita hvað fór fram á þessum fundi! Hverjum fannst þetta góð hugmynd?!“

2. Hakkari Áttunnar

„Rebrand hjá Áttunni þar sem þau lokuðu miðlunum sínum og földu gamalt efni, því fylgdi einnig ótrúverðugt vídeó frá hakkara sem var erfitt að taka mark á.“

„Örugglega frábær hugmynd á blaði en var gjörsamlega rústað í framkvæmd. Áttuliðum virðist hins vegar vera skítsama um gagnrýni og læra ekkert af þessum mistökum, því miður.“

3. Sbarro

„Gott dæmi um þegar fullorðið fólk hefur ofurtrú á eigin hæfileikum til að geta verið hipp og kúl og talað til unglinga.“

„Æi, kommon. Hefur einhvern tímann einhver sagt frasana: „Gríptu eina slæsu“ eða „Texta með annarri og borða með hinni“?“

Annað sem var nefnt: Orkuveituauglýsingin rétt fyrir hrun, heilsíðuauglýsing Birgisson í Fréttablaðinu þar sem gleymdist að segja um hvaða fyrirtæki ræddi, „Af hverju ertu ekki að horfa á veginn?“ frá Samgöngustofu.

Álitsgjafar:

Kristján Hjálmarsson, almanna- og viðskiptatengslastjóri H:N Markaðssamskipta
Brynja Björk Garðarsdóttir, markaðsstjóri Storytel
Anna Fríða Gísladóttir, markaðsstjóri Domino’s
Ida St., viðmótshönnuður
Atli Þór Albertsson, markaðsstjóri Þjóðleikhússins

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Reykjavíkurdætur hakka Önnu Svövu í sig: „Komin í eitthvað grínþrot“

Reykjavíkurdætur hakka Önnu Svövu í sig: „Komin í eitthvað grínþrot“
Fókus
Í gær

Bryndís Líf birtir djörfustu myndina hingað til – Alveg nakin í sturtu

Bryndís Líf birtir djörfustu myndina hingað til – Alveg nakin í sturtu
Fókus
Fyrir 2 dögum

Haukur á von á tvíburum: „Nýorðinn miðaldra, of þungur og að verða gráhærður“

Haukur á von á tvíburum: „Nýorðinn miðaldra, of þungur og að verða gráhærður“
Fókus
Fyrir 2 dögum

Guardian velur bestu bíómyndir 21. aldarinnar – Ertu sammála þessum lista?

Guardian velur bestu bíómyndir 21. aldarinnar – Ertu sammála þessum lista?
Fókus
Fyrir 2 dögum

Breski hjartaknúsarinn Gary Barlow á Íslandi

Breski hjartaknúsarinn Gary Barlow á Íslandi
Fókus
Fyrir 3 dögum

Einlægur Corden tók Maher í gegn vegna fitusmánunar: Sjáðu myndbandið

Einlægur Corden tók Maher í gegn vegna fitusmánunar: Sjáðu myndbandið