Birgitta Líf Björnsdóttir sýnir sjónvarpsmanninum Sindra Sindrasyni íbúð sína í krók og kima í nýjum þætti af Heimsókn á Stöð 2.
Birgitta keypti íbúðina í fyrra, sem stendur við Vatnsstíg í Skuggahverfinu. Íbúðin er 104 fermetrar að stærð og var kaupverðið tæplega 63 milljónir króna á sínum tíma eins og DV sagði frá.
Í Heimsókn fá áhorfendur að sjá hvernig Birgitta Líf hefur innréttað íbúðina á smekklegan hátt. Þá segir áhrifavaldurinn frá sínu helsta áhugamáli þessa dagana, sem er að safna hönnunarvöru, til að mynda frá Chanel, Gucci og Yves Saint Laurent.