Skemmtikrafturinn og sjónvarpsmaðurinn Steinþór Hróar Steinþórsson, betur þekktur sem Steindi Jr, er bíllaus þessa dagana. Steindi greinir frá því í færslu á Twitter að klesst hafi verið á Toyota bifreið hans.

„Jæja það var klesst á drusluna mína, hún er ónýt, svo ég þarf að fá mér nýjan bíl,“

ritar Steindi. Hann viðurkennir jafnframt þekkingarleysi sitt í bílamálum og óskar eftir uppástungum að nýrri og hentugri bifreið fyrir fjölskylduna. Í athugasemd undir færslunni bætir hann við að bíllinn þyrfti að vera „öruggur, huggulegur og með bluetooth.“

Jæja það var klesst á drusluna mína, hún er ónýt, svo ég þarf að fá mér nýjan bíl. Ég veit gjörsamlega ekkert um bíla og þarf nausynlega hjálp. Hvaða netta family-party kagga á maður að fá sér? Og á hann að vera hybrid?

— Steindi jR (@SteindiJR) November 5, 2018

Það stendur ekki á svörum en einn af þeim sem skrifa athugasemd undir færsluna er Jón Gnarr grínisti, rithöfundur og fyrrum borgarstjóri:

þetta er næstum því einsog: „jæja, kæru fésbókar-vinir. ég var að fá mér netflix. hverju mælið þið með?“ status

— Jon Gnarr (@Jon_Gnarr) November 5, 2018

Steindi kemur síðan sjálfur með afbragðs uppástungu:

Það er pottþétt netflix í þessum. pic.twitter.com/P5Ec0ULF9J

— Steindi jR (@SteindiJR) November 5, 2018

Viktoría Hermannsdóttir fjölmiðlakona vísar Steinda á unnusta sinn, Sólmund Hólm grínista og sjónvarpsmann en hann er að sögn Viktoríu „bílaráðgjafi Íslands.“ Sóli tekur heilshugar undir og kveðst vera eini maðurinn sem hægt er að taka mark á í þessu máli.

Egill Einarsson, betur þekktur sem Gillzenegger býður einnig fram aðstoð sína:

Veltur á ýmsu. Langar þér að vingast við Bjögga Thor og taka hann í ísbíltúr? Gerir það ekki á þessa rauða ógeði sem þú varst á. Veltum þessum steinum og komumst að niðurstöðu í #fm95blö á fös.

— Egill Einarsson (@EgillGillz) November 5, 2018