„Af hverju er ekki verið að skrifa neitt um hvað þessi þjóð er búin að leggja bókstaflega allt í hendur Facebook? Ég er endalaust að eiga samræður um að fólk dauðlangi að hætta á FB en geti það ekki vegna vinnu, félagsstarfs/funda, skólastarfs o.sfrv.“
Þetta segir í áhugaverðum þræði á Twitter þar sem umræðuefnið er Facebook og sú staðreynd að við erum orðin býsna háð þessum vinsælasta samfélagsmiðli heims.
Stofnandi þráðarins, Inga Björk Bjarnadóttir, stofnaði þráðinn og blés til könnunar þar sem hún spurði einfaldlega: „Upplifir þú að þú getir ekki hætt á Facebook?“
Hátt í 400 manns hafa svarað spurningunni og er skemmst frá því að segja að stór meirihluti svarar spurningunni játandi, eða 86 prósent. Aðeins 14 prósent svara spurningunni neitandi.
Hvað segir þú, kæri lesandi? Upplifir þú að geta ekki hætt á Facebook þó þú myndir gjarnan vilja það?
Upplifir þú að þú getir ekki hætt á Facebook?
— Kratababe93 (@ingabbjarna) October 9, 2018