„Skemmtilegasta sem ég geri er að fara á YouTube og njósna um hillurnar heima hjá fólki og hvernig vídeósafnið þeirra lítur út,“ segir Páll Óskar, sem í meðfylgjandi myndbandi sýnir áhorfendum veglegt safn sitt af dvd, blueray og líka super 8 mm filmun sem hann hefur safnað meðvitað síðan hann var 12 ára. „Einnig er smá vinyll og svona.“
„Ekki bara horror en ég var að spá í ef þið ætlið að horfa á eitthvað gott á þessari hrekkjavöku þá þarf ég ekki að segja ykkur að horfa á Hitchcock og Croenberg,“ segir Páll Óskar og telur upp fleiri myndir sem eru skylduáhorf að hans mati.
„Gerið ykkur greiða og horfið á Equinox, hún er ekki góð en stórkostlegt byrjendaverk úturtroðið af ástríðu, enda stofnuðu þeir Industrial Magic og gerðu effecta í Star Wars maður getur ekki annað en smitast af ástríðunni. Evil Dead er líka þrekvirki, elska þessa mynd út af lífinu.“
Svona heldur Páll Óskar áfram og telur upp myndir sem aðdáendur hryllingsmynda mega alls ekki missa af. Hann segir sögurnar á bak við myndirnar og greinilegt er að Páll Óskar hefur mikla ástríðu fyrir myndunum og safninu sínu, sem er það veglegasta sem undirrituð hefur séð.
