Það er af sem áður var að fólk fari aðeins út að borða á föstudegi eða laugardegi. Fjöldi matsölustaða á höfuðborgarsvæðinu er mikill og hægt að finna alla flóruna, eftir því hvaða matur manni finnst bestur.

Á Von mathúsi og bar við Strandgötu í Hafnarfirði mátti sjá söngkonuna Selmu Björnsdóttur, sem innan skamms stígur á svið í ABBA í Hörpu, hjónin Sollu Eiríksdóttur og Elías Guðmundsson, sem reka Gló með glæsibrag, og Ísleif Þórhallsson, framkvæmdastjóra Senu Live. Við treystum á að hann hafi verið að semja við einhverjar stórsveitir um að heimsækja Ísland á næstunni.