Daði Már Kristófersson fjármálaráðherra segir að stjórnvöld munu ekki krefja þá stjórnmálaflokka sem fengu styrki úr ríkissjóði, þrátt fyrir að uppfylla ekki skilyrði fyrir styrkjunum, um endurgreiðslu.

Þetta sagði Daði Már í viðtali við RÚV að loknum ríkisstjórnarfundi.

Mikið var rætt um mál Flokks fólksins fyrir skömmu en flokkurinn er skráður sem félagasamtök en ekki stjórnmálaflokkur. Síðan kom á daginn að fleiri flokkar höfðu látið undir höfuð leggjast að hafa skráninguna rétta, en í mislangan tíma þó.

Daði segir í viðtali við RÚV að framkvæmd fjármálaráðuneytisins hafi verið með slíkum hætti að ekki séu forsendur fyrir því að krefjast endurgreiðslu.

Nánar er fjallað um málið á vef RÚV.