Þetta kemur fram í umfjöllun Morgunblaðsins í dag. Þar er haft eftir Jönu Salóme Ingibjargar Jósepsdóttur, varaformanni VG, að enn liggi ekki fyrir hvort einhverjir séu að íhuga formannsframboð. Hún sagði að fólk sé að hugsa málið og máta sig við breyttar aðstæður.
Hún sagði að nú verði að halda áfram og mikilvægt sé að ráðast í innri endurskoðun hreyfingarinnar. Væntanlega muni nýjar áherslur fylgja nýrri forystu.
Guðmundur Ingi sagðist í samtali við Morgunblaðið ekki vera búinn að ákveða hvort hann bjóði sig fram til formanns.
Hvað varðar stefnu flokksins sagði hann að hún sé byggt á félagslegu réttlæti, umhverfisvernd, friðarhyggju, mannréttindamálum og kvenfrelsi og hafi mikill árangur náðst í þessum málaflokkum en það þurfi að taka stöðuna hjá grasrót flokksins. „Já, ég tel að við þurfum að taka samtalið inni í grasrótinni og sjá hvert fólk vill að VG stefni núna fyrir næstu kosningar, leita svolítið í ræturnar og erindi í pólitíkinni. Ég er þeirra skoðunar að það þurfi að vera til vinstri og það þurfi að vera enn þá meira í áttina að róttækari umhverfisstefnu,“ sagði hann.