fbpx
Þriðjudagur 28.maí 2024
Eyjan

Breskur þingmaður lenti í „hunangsgildru“ – Síðan gerði hann svolítið enn verra

Eyjan
Föstudaginn 12. apríl 2024 08:00

William Wragg. Mynd:Wikimedia Commons/David Woolfall

Ekki missa af Helstu tíðindum dagsins í pósthólfið þitt

Lesa nánar

Það sem byrjaði sem saklaust daður á stefnumótaappinu Grindr endaði sem martröð fyrir breska þingmanninn William Wragg sem situr á þingi fyrir Íhaldsflokkinn. Þegar hann hafði um hríð daðrað við „Charlie“ byrjuðu þeir að skiptast á nektarmyndum og síðan ætluðu þeir að hittast yfir drykk en það gerðist aldrei.

Í staðinn varð daðrið og nektarmyndasendingin að fjárkúgun þar sem „Charlie“ þvingaði Wragg til að láta í té símanúmer annarra þingmanna.

Wragg skýrði frá þessu í viðtali við The Times nýlega. „Þeir voru með viðkvæmt efni í höndunum og vildu ekki láta mig í friði. Þeir spurðu út í aðila og ég lét þá fá nokkur símanúmer en ekki hjá öllum þeim sem þeir báðu um,“ sagði hann.

The Guardian segir að auk þess að hafa játað þetta, hafi Wragg lýst yfir mikilli eftirsjá. „Ég hef sært fjölda fólks því ég var veiklyndur og hræddur. Ég er svo leiður yfir að veiklyndi mitt hafi orðið til þess að annað fólk hafi orðið fyrir barðinu á þeim,“ sagði hann og bætti við að hann væri leiður yfir að hafa ekki leitað strax til lögreglunnar.

Wragg er ekki eini þingmaðurinn sem hefur lent í svokallaðri „hunangsgildru“ af óþekktum aðilum. „Hunangsgildra“ er orð sem er notað yfir svik og svindl sem á sér stað með táldrætti af einhverju tagi.

Politico segir að 13 aðilar, sem starfa í Westminister, hafi fengið skilaboð í gegnum Whatsapp með nektarmyndum og/eða skilaboðum. Tveir þeirra svöruðu þeim með því að senda nektarmyndir, annar þeirra var Wragg. Meðal annarra sem fengu skilaboðin voru ráðherrar, ráðgjafar og blaðamenn.

Skilaboðin eru öll svipuð, Maður að nafni „Charlie“ setti sig í samband við viðkomandi eins og í tilfelli Wragg. Þess utan voru skilaboðin yfirleitt send seint að kvöldi og í þeim var því haldið fram að sendandinn og viðtakandinn hafi hist áður og „daðrað“ á bar í Westminister eða á pólitískri samkomu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

„Mér finnst Ólafur Ragnar Grímsson hafa notað hann bæði rétt í Icesave og í fjölmiðlafrumvarpinu“

„Mér finnst Ólafur Ragnar Grímsson hafa notað hann bæði rétt í Icesave og í fjölmiðlafrumvarpinu“
Eyjan
Fyrir 3 dögum

Viðtöl við forsetaframbjóðendur: Arnar Þór Jónsson – full aðild að ESB er betri en aðild að EES

Viðtöl við forsetaframbjóðendur: Arnar Þór Jónsson – full aðild að ESB er betri en aðild að EES
Eyjan
Fyrir 5 dögum

Fégráðugur tengdasonur veldur Donald Trump vanda

Fégráðugur tengdasonur veldur Donald Trump vanda
Eyjan
Fyrir 5 dögum

Viðtöl við forsetaframbjóðendur: Arnar Þór Jónsson – Dómstólarnir víkja stjórnarskránni til hliðar og þjóna valdinu – þingið illa mannað

Viðtöl við forsetaframbjóðendur: Arnar Þór Jónsson – Dómstólarnir víkja stjórnarskránni til hliðar og þjóna valdinu – þingið illa mannað
Eyjan
Fyrir 1 viku

Steinunn Ólína reið RÚV – „Raðar í AÐAL-bekk og AUKA-bekk“

Steinunn Ólína reið RÚV – „Raðar í AÐAL-bekk og AUKA-bekk“
Eyjan
Fyrir 1 viku

Helga svarar Kára fullum hálsi

Helga svarar Kára fullum hálsi