Birgir Dýrfjörð, rafvirkjameistari, skrifar:
Í greininni „Þú líka Brútus“ nefndi ég „Hersinguna“, sem réðst á mannorð Þórarins Tyrfingssonar.
Örstutt um nafnið Hersing: Kristur rak illa anda af manni og spurði „hvað heitir þú?“
Andinn svaraði: „Ég heiti Hersing og við erum margir.“
Árás Hersingarinnar hófst með heilsíðugrein í Sunnudags- Mogga 28. júní 2020.
Greinin var frásögn Sigurðar Friðrikssonar, ( þekktur sem Diddi Frissa)
Ég bendi fóki á að Gúgla Moggan þann dag. Þar var ósómagreinin birt .
Diddi stýrði mörgum fundum SÁÁ. Hann lýsti þeim í ósómagreininn: „Hálfsmánaðarlega bjóðum við ráðherrum og ábyrgu fólki í samfélaginu og segjum frá því hvað er að gerast í áfengis og vímuefnamálum í þjóðfélaginu“.
Sjálfur sat ég tugi slíkra funda. Hvern einasta fund byrjaði Diddi með lofræðu um SÁÁ og störf Þórarins Tyrfingssonar. Lofið um Þórarinn var takmarkalaust.
Diddi snéri svo öllu við í Mogganum, og sagði um Þórarinn: „Það vildi enginn í stjórnsýslunni eiga nokkur samskipti við hann. Út af hroka, yfirgangi, frekju og mikilmennsku.“
Öll þjóðin vissi þó, að Sjúkrahúsið Vogur hafði komið á fót mörgum meðferðarsviðum.
Öll sú starfsemi hvíldi á farsælum samskiftum Þórarins Tyrfingssonar við stjórnsýsluna.
Um fundastjórn sína sagði Diddi. „Mér var sagt, að; láta -aldrei sjást- hver stjórnaði fundinum. Því Þórarinn sættir sig ekki við að neinn skyggi á hann.“ „Vér eplin“, sögðu taðkögglarnir.
Þegar Hersingin felldi Þórarinn, varð Diddi varaformaður SÁÁ. Það stóð ekki lengi. Formaðurinn fór og Diddi tók við stjórninni. Á skömmum tíma hefur hann og fleiri klúðrað samskiftum við stjórnsýsluna (SI) svo kyrfilega, að hún krefst 175 milljóna endurgreiðslu, sem stjórn SÁÁ er talin hafa svindlað út úr stjórnsýslunni. Samskiftin við sjórnsýsluna eru nú á borði saksóknara. Ástæðuna virðast allir skilja nema stjórn SÁÁ. Hún er í viðvarandi afneitun á ábyrgð sinni.
Dáður listamaður skrifaði: „Þórarinn bjargaði lífi mínu“. Hvorki meira né minna, en þrátt fyrir lífgöfina myndi hann aldrei koma nærri SÁÁ ef Þórarinn yrði formaður.
Hann nefndi enga ástæðu fyrir þessari hótun sinni.
Þannig gaf hann hugmyndaflugi fólks frjálst val, að skálda og dylgja um ástæðu þess, að hann gæti ekki unað lífgjafa sínum og velgjörðarmanni, að verða formaður SÁÁ.
Hersingin notaði síðan óspart: „Hugsið ykkur hvaða skaðræði Þórarinn er, að maður, sem á honum líf sitt að launa, ætlar að hætta í SÁÁ verði hann formaður, hugsið ykkur bara.“ Þetta var ljótt.
Mér finnst listamaðurinn ætti að skipta um gír og finna lag, svo við hin (þúsundir alkóhólista) getum sungið með honum af einlægni: „Þórarinn Bjargaði lífi mínu“. Það væri flott.
Í næstu grein fjalla ég um um skelfilegar afleiðingar af valadatöku þessa hóps. Kærur saksóknara, og kröfur um, að SÁÁ skili samfélaginu 175 miljónum af illa fengnu fé.
