Sigmundur Davíð Gunnlaugsson þingmaður Framsóknarflokksins boðar stofnunar Framfarafélagsins,  hugmyndasmiðja sem á að koma Framsóknarflokknum til aðstoðar. Félagið verður stofnað á laugardaginn. Sigmundur greindi frá þessum áformum í útvarpsþættinum Reykjavík síðdegis á Bylgjunni í dag.

Segir Sigmundur að félagið sé ekki vísir að nýjum flokk, en Sigmundur hefur verið hvattur til þess að stofna nýjan flokk í kjölfar þess að hann var felldur af formannsstóli af Sigurði Inga Jóhannssyni á flokksþingi Framsóknarflokksins síðasta haust. Hann segir félagið ekki stofnað sem stjórnmálaflokk:

Nei, alls ekki. Fé­lagið mun sjálfsagt þró­ast með tím­an­um og láta til sín taka á ýms­an hátt, en þetta er ekki stofnað sem stjórn­mála­flokk­ur.

Sigmundur segir að Framsóknarflokkurinn sé á slæmum stað um þessar mundir. Fylgið hafi dregist saman í síðustu kosningum og nú sé hann að elta málefni annarra flokka, betra væri ef flokkurinn leiddi umræðuna:

Flokkur sem á að setja dagskrána í pólitískri umræðu. Flokkurinn er á miðjunni. Hann verður ýmist róttækur eða einungis til að aðstoða flokka til hægri eða vinstri með sína hugmyndafræði,

segir Sigmundur. Nú sé flokkurinn laskaður eftir innri átök síðustu mánaða og fá tækifæri séu fyrir grasrótina til að láta til sín taka:

Ég hef ekki vett­vang inn­an flokks­ins eins og sak­ir standa núna til að beita mér með þess­um hætti. En ég vona að sem flest­ir Fram­sókn­ar­menn taki þátt í þessu. Ég von­ast til þess að þetta muni styðja við gras­rót­ina í flokkn­um.

Framfarafélagið verður stofnað í Rúgbrauðsgerðinni kl.11 á laugardaginn. Sigmundur Davíð verður svo gestur Björns Inga Hrafnssonar í þættinum Eyjan á ÍNN sem verður frumsýndur annað kvöld kl. 21.