fbpx
Miðvikudagur 09.júlí 2025
Eyjan

Össur um mútumál Sigmundar: Það þarf að komast til botns í þessu máli

Ritstjórn Eyjunnar
Þriðjudaginn 28. mars 2017 11:29

Ekki missa af Helstu tíðindum dagsins í pósthólfið þitt

Lesa nánar

Össur Skarphéðinsson. Mynd: DV/Sigtryggur Ari

Fyrrum forsætisráðherra heldur því fram að fleirum en honum hafi verið boðnar mútur af vogunarsjóðum. Þetta fullyrðir Sigmundur Davíð Gunnlaugsson, fyrrum forsætisráðherra og formaður Framsóknarflokks og núverandi fyrsti þingmaður flokksins í Norðausturkjördæmi í viðtali við DV í dag. Össur Skarphéðinsson, fyrrum ráðherra og þingmaður tjáir sig um þessar fullyrðingar Sigmundar í pistli á Facebook síðu sinni og beinir því til fjölmiðla að þeir komist til botns í þessu máli í stað þess að afgreiða þetta sem ,,hreina markleysu“ eins og hann orðar það og Sigmundur segir að margir álíti þetta hálfgerða sefasýki.

Össur segist sjálfur ekki vita ,,hvoru megin hinnar fínu línu galskaparins ég yrði sjálfur flokkaður og treysti mér ekki til að fullyrða neitt um forystumenn Framsóknar í þeim efnum.“ Eflaust myndi enginn taka nokkuð mark á forsætisráðherranum fyrrverandi segir Össur ef ekki ,,lægi fyrir bréf og játning þeirra sem það reyndu?“

Það er erfitt að komast í gegnum átök stjórnmálanna án þess að þróa með sér smávegis ofsóknaræði samkvæmt utanríkisráðherranum fyrrverandi og segist hann sjálfur hafa gert það á sínum þriggja áratuga ferli í pólitík.

Sigmundur Davíð Gunnlaugsson þingmaður Framsóknarflokksins.

Það var tilkynnt fyrir skömmu að vogunarsjóðir hefðu keypt umtalsverðan hlut í Arion banka af kröfuhöfum og einn þeirra, Och-Ziff, var fyrir nokkru sektaður um 23 milljarða fyrir mútugreiðslur í fimm Afríkuríkjum af bandarískum yfirvöldum. Af því tilefni spyr Össur: ,,Þarf þá að hljóma ótrúlega þó menn hafi rennt þrjátíu peningum silfurs undir vit forsætisráðherra örríkis norður undir heimskauti?“

Össur rifjar upp atvik þar sem ráðherra fékk senda riffilkúlu í pósti sem dæmi um þær hótanir sem ráðherrar geta setið undir.

Ég man eftir ráðherra sem fékk helvíti volduga riffilkúlu í pósti. Læt ég þá vera að tala um önnur ósköp.

Hann hvetur fjölmiðla til að sannreyna þessar fullyrðingar Sigmundar með því að ræða við aðra ráðherra úr ríkisstjórn hans.

Einhvern tíma hefði þetta orðið fjölmiðlum tilefni til að leita til allra ráðherra síðustu ríkisstjórnar og spyrja hvort þeim hefðu verið boðnar mútur, hvenær, við hvaða aðstæður – og af hverjum?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 3 dögum

Svarthöfði skrifar: Dauðir skipaðir í áfengisvarnarnefnd – þingmaður Miðflokksins spaugari aftur í ættir

Svarthöfði skrifar: Dauðir skipaðir í áfengisvarnarnefnd – þingmaður Miðflokksins spaugari aftur í ættir
EyjanFastir pennar
Fyrir 4 dögum

Sigmundur Ernir skrifar: Orrustan um Ísland stendur yfir

Sigmundur Ernir skrifar: Orrustan um Ísland stendur yfir
Eyjan
Fyrir 1 viku

Bryndís sagði málþóf séríslenskt fyrirbæri og taldi rétt að beita 71. grein – Undirbýr nú 32. ræðu sína um veiðigjaldið

Bryndís sagði málþóf séríslenskt fyrirbæri og taldi rétt að beita 71. grein – Undirbýr nú 32. ræðu sína um veiðigjaldið
Eyjan
Fyrir 1 viku

Sara tekst á við nýtt verkefni -„Það er óhætt að segja að ég sé glöð og hissa“ 

Sara tekst á við nýtt verkefni -„Það er óhætt að segja að ég sé glöð og hissa“ 
Eyjan
Fyrir 1 viku

Ný vonarstjarna Demókrata gæti komist í mikilvægt embætti – Trumpistar kalla hann „hryðjuverkamann“

Ný vonarstjarna Demókrata gæti komist í mikilvægt embætti – Trumpistar kalla hann „hryðjuverkamann“
Eyjan
Fyrir 1 viku

Veiðigjaldafrumvarpið: Harðlínumennirnir hafa undirtökin innan SFS – málflutningurinn heldur ekki vatni

Veiðigjaldafrumvarpið: Harðlínumennirnir hafa undirtökin innan SFS – málflutningurinn heldur ekki vatni