„Jaðarsetningin á Sindra Sindrasyni ætlar bara ekki að stoppa. Allar fiðlurnar og öll kertin fyrir hann. Mér er skapi næst að kveikja í hárinu á mér fyrir aumingja kúgaða hvíta ófatlaða epalhommann með alla sjónvarpsþættina.“

Þetta sagði Hildur Lillendahl Viggósdóttir starfsmaður Reykjavíkurborgar á Fésbók í gær. Margir ræddu um viðtal Sindra Sindrasonar við Töru Margréti Vilhjálmsdóttur í Íslandi í dag í fyrradag en fá ummæli voru jafn umdeild og ummæli Hildar.

Sjá frétt: Sagði homma sem á litað ættleitt barn og er giftur útlendingi ekki vera í jaðarhópi

Mál gærdagsins var rætt í útvarpsþættinum Bítið á Bylgjunni í morgun þar sem þáttastjórnendur tóku ummæli Hildar sérstaklega fyrir og veltu upp spurningunni hvort Hildur verður látin líða fyrir ummæli sín sem opinber starfsmaður. Nefnt hefur verið á samskiptamiðlum að dæmi sé um að starfsmanni sveitarfélags hafi verið sagt upp fyrir umdeild skrif á netinu, en því máli lauk með því að dómstólar dæmdu uppsögnina ólögmæta.

Þráinn Steinsson sagði að Hildur hefði talið sig vera málsvara þeirra sem minna mega sín og gengið fram með jafnréttisspjótið hátt á uppi, reiðir hátt til höggs, las hann svo upp ummæli Hildar og sagði svo:

Hún fer að uppnefna hann. Af hverju þarf hún að draga kynhneigð hans inn í þetta og skeyta einhverju forskeyti þar fyrir framan eins og epalhommi. Þetta er bara gert til að niðra hann. Þetta er eins og við færum að kalla Svavar Örn hárgreiðsluhommann. Hvaða vitleysa er þetta?

Heimir Karlsson spurði hvort þetta gæti haft afleiðingar fyrir hana sem sem starfsmann borgarinnar? Þá sagði Þráinn

Fólk sem að vinnur svona, næsta hurð er væntanlega skrifstofa jafnréttisráðs. Að gera þetta. Það er svona eins og skítafýlan sé farin að kenna rassgatinu hvernig á að hegða sér.

Gulli Helga sagði þá: „Það er annað hvort eitthvað að þarna, eða hún sest við tölvuna og hugsar með sér, „jæja best að henda inn einni sprengju núna“ og skrifar eitthvað og svo situr hún heima og hlær að viðbrögðunum. Þarna er verið að tala við fólk sem er á móti fordómum en hljómar eins og það sé sjálft með fordóma.“

Heimir sagði að oftast væru það sömu aðilarnir sem töluðu í hástöfum, en spurði hvort opinberir stafsmenn, sem stíga fram með svona virkilega ljótum orðum um eina persónu komist upp með það án þess að gjalda fyrir það:

Hvað með opinbera stafsmenn, það hefur verið talað um það m.a. í þessum þætti af öðrum starfsmönnum opinberra stofnanna eins og Reykjavíkurborgar eins og t.d. Hildur, sem stígur svona fram ég segi bara með svona virkilega ljótum orðum um í garð einnar opinberrar persónu hvort það megi og hvort það gjaldi fyrir það?