Það virðist heldur grunnt á því góða milli Pírata og Samfylkingar. Birgitta Jónsdóttir sakar forystumenn Samfylkingar um „árásir“. Það eru náttúrlega prófkjör þessa dagana, hið furðulega misheppnaða Pírataprófkjör í Norðvesturkjördæmi og svo eru prófkjör framundan hjá Samfykingunni í Reykjavík og Kraganum.
Menn eru á nálum – en það hefur stundum sagt að þeir sem eru líkastir þoli hver aðra verst. Samfylkingin og Píratar liggja býsna nærri á hinu pólitíska landakorti. Píratarnir eru nýrri og óspjallaðri og það fer mikið í taugarnar á Samfylkingarfólki þegar það það er ásakað um að vera spillt og útbrunnið. Því segja verður eins og er, Píratar, sem hafa enn ekki þurft að spreyta sig í ríkisstjórn, tala býsna mikið niður til annarra stjórnmálahreyfinga. Þetta fer líka í taugarnar á VG-liðum.
Annars benda skoðanakannanir helst til einhvers konar pattstöðu, að mjög erfitt verði að mynda stjórn – og að flestir flokkar verði fyrir vonbrigðum áður en yfir lýkur, líka þeir sem kunna að vinna kosningasigra. Það var talað um það á sínum tíma að stjórnarandstöðuflokkarnir myndu stilla saman strengi sína fyrir kosningarnar – en fátt bendir til þessa að nokkuð verði af því.
Þetta skrifar Birgitta Jónsdóttir, helsti foringi Píratanna, á Facebook:
Sigurður Hólm Gunnarsson sem er í framboði í prófkjöri Samfylkingarinnar í Reykjavík svarar svona og segist leiður yfir öllusaman:
