Ekki verður betur séð en að yfirlýsingin sem ráðherrar undirrituðu ásamt fulltrúum lækna í tengslum við gerð nýs kjarasamnings sé býsna merkileg.
Þarna er beinlínis kveðið á um byggingu nýs Landspítala.
Sambærilegt heilbrigðiskerfi og það besta á hinum Norðurlöndunum (í þessu felst viðurkenning á því að svo sé ekki lengur).
Aukið fjármagn til heilbrigðismála.
Aukna „samtvinnun“ Landspítala og heilbrigðisstofnana á landsbyggðinni.
Launakjör lækna sem eru „samkeppnisfær“ við það sem er á Norðurlöndunum.
Opnun á möguleika á fjölbreyttari rekstrarformum. Þó er tekið fram að þar verði byggt á „jafnræði í greiðslum“. Þýðir þá hugsanlega meiri einkarekstur en ekki einkavæðingu.
Þetta eru stór fyrirheit og það verður ærið að starfa í heilbrigðismálunum eigi þau að ganga eftir. En líklega eru flestir sammála um að átaks sé þörf.
