Nú hefur verið tilkynnt að Vladimir Pútin hafi verið valinn maður ársins í Rússlandi – 15 árið í röð.
Þetta er harmskoplegt og gerist þrátt fyrir að Rússar séu nú að gjalda dýru verði óstjórn og spillingu undanfarinna ára.
Saga Rússlands er skelfileg. Á síðustu hundrað árum hafa Rússar upplifað þrjú valdaskeið – í öllum tilvikum áttu í hlut harðsvíraðar glæpaklíkur sem hugsuðu bara um eigin hag.
Fyrst voru það endalok keisaraveldisins og Romanov-ættarinnar, síðar tími hinnar harðsvíruðu bolsévíkaklíku, svo, eftir stuttan valdaferil fylliraftsins Jeltsíns þar sem öllu steini léttara var stolið í ríkinu. náði völdum glæpaklíka sem átti rætur sínar að rekja til KGB.
Nú á hún engin úrræði eftir önnur en að ala á hatri gegn útlendingum og reyna, líkt og á tíma Sovétríkjanna, að láta eins og utan landamæra Rússlands sé allt í rúst. Þess vegna birtast svona myndskeið í rússneskum fjölmiðlum – þeim er treystandi til að vera ekkert að „hirta“ stjórnmálamenn. Myndirnar eru upptaktur fyrir viðtal við Pútín.
En Rússar virðast ófærir um að reka kúgara af höndum sér. Þegar einir hverfa, gjarnan eftir hrun, koma aðrir í staðin. Þetta er hræðileg sorgarsaga. Maður spyr sig svo – hvað kemur eftir Pútín, lifi hann ekki af hrun efnahagslífsins?
