Les Bâtisseurs d’empire er leikrit frá tíma absúrdleikhússins, skrifað af Boris Vian, frumflutt í París 1959. Titillinn er absúrd – útleggst sem Byggjendur heimsveldisins.

Í leikritinu hrekst fólk milli herbergja í húsi vegna dularfulls hávaða sem engin skýring fæst á. Þetta er absúdleikhús – við vitum ekki hvað þessi hávaði þýðir, kannski er það tíminn sem líður, kannski eitthvað annað?

En þetta er alveg óbærilegt og veldur persónunum í leikritinu miklum þjáningum.

Nú sé ég að vinir mínir og vinkonur á Akureyri koma fram hvert af öðru á Facebook og segja að hinn dularfulli hávaði á Akureyri sé óþolandi.

Þetta er að gera mig brjálaða. Aaaalveg. Í alvöru sko.

Og:

Mig líka!! Í vor var X farinn að halda að ég væri klikkuð því hann heyrði þetta ekki.

Þessi sefur ekki:

Ég sef ekki fyrir þessu. Heyri eg þetta kannski af þvi að eg er aðflutt?!

Þetta er heldur ekki alveg nýtt:

Var þetta byrjað í vor? Ef svo þá skil ég allt- Ó, þessi síbylgjandi andstyggilegu næturhljóð voru þá ekki Y.

Varla getur þetta staðist:

Það væri nú samt dálítið týpískt fyrir Akureyringa að vera með óþolandi hljóð sem gerir fólk geðveikt en bara aðflutt aðkomufólk heyrir…

Það eru reyndar skýringar á þessu fyrir norðan – þetta er hávaðinn í Vaðlaheiðargöngum. Gæti verið til önnur lausn en að Akureyringar flytji burt?

Eru ekki göngin annars enn full af heitu vatni?