Í Morgunblaðinu er lítil frétt þar sem segir frá því að til standi að stofna rússneska útgáfu af Wikipediu, til að „tryggja íbú­um lands­ins ör­ugg­an aðgang að ná­kvæm­um og áreiðan­leg­um upp­lýs­ing­um um landið“.

Staðreyndin er sú að til er rússnesk Wikipedia, hún er samstofna þeirri stórmeku Wikipediu sem notuð er um víða veröld.

Það sem er hér á seyði er opinber Wikipedia, sem mun boða heimsmynd Vladimirs Pútín. Hann hefur sagt að netið sé CIA-samsæri – og nú er netfrelsi þannig háttað í Rússlandi að bloggarar sem hafa fleiri en 3000 lesendur þurfa að skrá sig sérstaklega.

Þessi hugmynd er svipaðrar ættar og síðan sem kallast Conservapedia í Bandaríkjunum. Þar fjalla vinsælustu greinarnar meðal annars um þróun, samkynhneigð, hættur trúleysis, mann sem þeir kalla Barak Hussein Obama og gildismat Hollywood.

Maður getur kallað þetta ýmsum nöfnum, sagt að þetta sé ídíótískt og ég veit ekki hvað – en þetta sýnir ekki síst hvað ysta hægrið og pútínisminn eiga mikla samleið.