Þessi skemmtilega ljósmynd birtist á Facebooksíðu sem kallast Svipmyndir úr fortíðinni.

Þarna er horft eftir Austurstræti í átt að Aðalstræti. Sagt er að myndin sé tekin 1933, en ljósmyndarinn sé óþekktur.

Það er rigning, en við sjáum að þarna er talsvert borgarlíf. Fólk á göngu, verkamaður í smekkbuxum, kona á miðri götunni sem horfir í átt til ljósmyndarans, maður á hjóli, þjár ungar stúlkur sem ganga saman.

Við sjáum á klukku að hana vantar tíu mínútur í ellefu.

Yfir götuna er strengdur borði frá Torvaldsens Bazar – hann er enn til húsa þarna í götunni.

Hótel Ísland stendur enn þar sem nú er Ingólfstorg og eins hús hinum megin við götuna – eina ástæðan fyrir því að þarna er torg er sú að hús brunnu og eyðilögðust.

Við enda götunnar eru timburhús sem viku fyrir Morgunblaðshöllinni, þau eru það lágreist að sést upp í Grjótaþorp.