Jack Bruce var bassaleikari, söngvari og lagahöfundur í þeirri sögufrægu hljómsveit Cream.
Sjaldan hafa jafn stórir og ráðríkir karakterar mæst í einu bandi og í Cream – Bruce, Eric Clapton og Ginger Baker.
Enda entist það ekki lengi. Hljómsveitin starfaði frá 1966-1968.
Jack Bruce er dáinn, 71 árs að aldri. Hann leit reyndar á sig sem djassista fremur en rokktónlistarmann.
Hér er lagið Tales of Brave Ulysses eftir hann. Þetta er býsna hrár flutningur – en það er gaman að horfa á þessa karla í aksjón.
Árið er 1968 – þá gátu menn leyft sér að vera með flottar húfur eins og Bruce og í rúskinnsstígvélum með kögri eins og Clapton.
