Það gengur á með 248 króna bröndurum. Hvað getur maður fengið að borða fyrir 248?

Sveinbjörg framsóknarkona er hætt í pópúlismanum sem snýr að múslimum – að minnsta kosti í bili – og er komin í svelti á hinu háa Alþingi. Hún tók sæti sem varaþingmaður og kom með skyrdós og lauksúpu að heiman. Frá þessu er skýrt í fréttum.

Þekktur höfundur matreiðslubóka birtir uppskriftir þar sem eldað er úr lifur. Svo geta menn snúið sér að hjörtum og nýrum.

Það er reyndar gamla íslenska lagið, fara bara að éta allt af sauðkindinni, hverja einustu frumu.

Sláturgerð hlýtur að koma vel til álita þegar svona árar – og fagnaðarefni að aftur er hægt að fá ekta vambir. Slátur kostar ekki mikið – og maður verður fljótt saddur af því.

Þetta gæti jafnvel orðið eins konar vakning.

En grænmeti er mestanpart úti sem og fiskur. Það er einfaldlega of dýrt – fyrir utan að Íslendingar gamla tímans kunnu hvorki að éta grænmeti né fisk.