Kannski verður ekki kosið á Íslandi fyrr en í lok þessa kjörtímabils – ríkisstjórnin mun gera allt til að missa ekki völdin.

Draumur Samfylkingarinnar er að kosningar um Evrópusambandsaðild renni upp skömmu fyrir þingkosningar, svo Sjálfstæðisflokkurinn kofni í málinu.

En það er að myndast stórt gat í stjórnmálunum hérna.

Vinstrið er þéttpakkað með Samfylkinguna, Vinstri græna og stjórnmálaafl sem væntanlega verður til í kringum Lilju Mósesdóttur.

Það er sífellt verið að toga Sjálfstæðisflokkinn í átt til hins þjóðernissinnaða hægris og þangað leitar Framsóknarflokkurinn líka.

Gatið er á miðjunni eða svona rétt hægra megin við hana. Heilmikið af kjósendum staðsetja sig þar, en það er enginn stjórnmálaflokkur sem höfðar til þeirra.