Ég sé að í ýmsum afkimum netsins hefur brotist út tuð vegna komu hljómsveitarinnar Eagles til landsins.

Það hefur löngum þótt ófínt í vissum kreðsum að halda upp á Eagles. Og nú hlaupa menn fram á Facebook og segjast sko ekki ætla á tónleika með Eagles. Þykir það harla gott hjá sér.

En ég segi fullum fetum – ég ætla að fara á Eagles.

Hefur fundist þetta ágæt hljómsveit allar götur síðan ég fékk að hlusta á lagið One of these Nights í Hljóðfærahúsinu fyrir – ja það eru ábyggilega þrjátíu og fimm ár síðan.

Hef kannski ekki verið neinn aðdáandi, en mörg lögin eru fín, söngur góður sem og hljóðfæraleikur. Seinna eignaðist ég vin sem kom að gerð One of these Nights.

Í tilefni af þessu er hér snilldargott lag með Don Henley, einum af meðlimum Eagles. Það myndi ekki spilla fyrir ef hann syngi þetta á tónleikunum.

Og komið svo bara með skammirnar um Eagles – vitnið í The Big Lebowski, já hvað sem er.

[youtube=http://www.youtube.com/watch?v=NLONgF8a_Ig]