Oddur Ólafsson, lesandi síðunnar sem er staddur á Írlandi, sendi þennan pistil.

— — —

Ég er staddur á Írlandi og þeir tala um daginn í dag sem Black Thursday.

Þeir eru með aukafréttaskýringaþátt þessa stundina á RTÉ ONE þar sem fréttakona var að sauma hressilega að fjármálaráðherranum fyrir alla peningana sem þeir þurfa að setja í að bjarga bönkunum.

Hún sagði að á Írlandi væri versta stjórn í heimi og að hvergi væri efnahagurinn verri.

Hann mótmælti og svaraði því til að hlutirnir væru verri á Íslandi.

Hún benti á að það stæði til að ákæra ráðherra á Íslandi en hann taldi að enginn ráðherra hefði brotið af sér hér á Írlandi.

Það er áhugavert að sjá þetta og bera saman hliðstæðurnar og það sem er öðruvísi.  Þið á RUV ættuð að skoða þetta.