Hreiðar Már Sigurðsson, Ingólfur Helgason og Magnús Guðmundsson voru handteknir vegna Kaupþingsmála og sátu í gæsluvarðhaldi.

Nu kemur hinn eftirlýsti Sigurður Einarsson heim frjáls maður og fer væntanlega líka burt frjáls ferða sinna. Nema hann verði handtekinn eftir yfirheyrslur.

Það er ekkert víst að þess sé þörf, en þó er vitað að af þeim mönnum sem eru nefndir hér að ofan er Sigurður leiðtoginn – höfuðpaurinn.

Því verður varla trúað að saksóknari hafi gert sérstakan samning við Sigurð fyrir það eitt að fallast á að koma í yfirheyrslu.

Um heimildir til þessa segir í 5. grein laga um sérstakan saksóknara:

5. gr. Ríkissaksóknara er heimilt að ákveða, að uppfylltum skilyrðum
2. mgr. og að fenginni rökstuddri tillögu frá hinum sérstaka
saksóknara, að sá sem hefur frumkvæði að því að bjóða eða láta
lögreglu eða saksóknara í té upplýsingar eða gögn sæti ekki ákæru þótt
upplýsingarnar eða gögnin leiði líkur að broti hans sjálfs.
Skilyrði ákvörðunar skv. 1. mgr. eru að upplýsingar eða gögn tengist
broti sem fellur undir rannsóknar- og ákæruvald sérstaks saksóknara
samkvæmt lögum þessum og talið sé líklegt að þessar upplýsingar eða
gögn geti leitt til rannsóknar eða sönnunar á broti eða séu mikilvæg
viðbót við fyrirliggjandi sönnunargögn. Þá er það skilyrði fyrir
beitingu þessarar heimildar að rökstuddur grunur sé um að upplýsingar
eða gögn tengist alvarlegu broti, fyrirséð sé að sök þess sem lætur
slíkt í té sé mun minni en sök þess eða þeirra sem gögnin eða
upplýsingarnar beinast gegn og ástæða sé til að ætla að án þeirra muni
reynast torvelt að færa fram fullnægjandi sönnur fyrir broti.