Það er talað um að birting skýrslu rannsóknarnefndar Alþingis sé þaulskipulögð.
Við það er smávegis að athuga.
Enginn fær að sjá skýrsluna fyrr en á mánudaginn klukkan 10.15.
Nema tólf manns sem er fjallað um í skýrslunni og lögfræðingar þeirra.
Þetta fólk fékk tíma til að undirbúa málsvörn sína nákvæmlega.
En aðrir sem eru nefndir í skýrslunni – og þeir hljóta að vera miklu fleiri – fengu það ekki.
Annað er svo að ætla að ræða skýrsluna í þinginu í tíu og hálfan tíma fyrstu þrjá dagana eftir að hún birtist. Nær einhver að lesa skýrsluna sér til gagns á þessum tíma?
