Skuldavandi heimilanna hefur verið tifandi tímasprengja.

Það hafa allir séð hana og heyrt í henni. Ég held að ekkert mál hafi verið meira rætt í þætti mínum síðasta árið.

En ríkisstjórnin sem lofaði að slá „skjaldborg“ um heimilin hafa stöðugt hummað þetta vandamál fram af sér í staðinn fyrir að mæta því með einurð og festu. Hún hefur látið duga smáskammtalækningar.

Nú springur sprengjan. Það eru þúsundir manna á Austurvelli nú þegar þessi orð eru skrifuð. Það er barið á bumbur og eldar loga. Líklega halda mótmælaaðgerðir áfram næstu daga.

Orð stjórnmálamannana sem eru fyrir innan hafa holan róm. Jóhanna talaði um samgöngumiðstöð í Reykjavík. Bjarni Ben reyndi að stilla sér fremst í flokk mótmælenda.

Annar flokkurinn í síðustu ríkisstjórn panikkeraði þegar mótmælendur mættu á félagsfund hjá honum í Þjóðleikhúskjallaranum. Þá féll ríkisstjórn Geirs Haarde. Það er spurning hvort ríkisstjórn Jóhönnu Sigurðardóttur sé að fara sömu leið. Það er ekki líklegt að hún verði syrgð mikið.

En það er líka hægt að gera hlutina öðruvísi. Hlusta á fólkið fyrir utan. Þingheimur á að geta smíðað frumvarp um skuldaafskriftir á fáum dögum. Það gæti orðið að lögum í vikulok. Væntanlega með 63 samhljóða atkvæðum,