Lesandi sendi þetta bréf um reynslu sína af bankakerfinu:

— — —

Langar að senda þér eitt lítið dæmi um hvert þetta þjóðfélag er að stefna.
Svoleiðis er mál með vexti að við hjónin keyptum fjögra herbergja íbúð í
Kópavogi þann 23.11. 2007. Kaupverð var 35.500.000.- og samkvæmt
ráðleggingum þjónustufulltrúa og sérfræðingum Kbbanka tókum við lán í Yenum
að upphæð kr. 25.000.000.- afb. pr. mánuðm var 127.000.- sem var vel innann
þess ramma sem við réðum við. Eftir fall Íslands, þökk sé nokkrum ágætum
mönnum sem við berum báðir kennsl á, jukustu afborganir og vaxtagreiðslur
uppí tæp 400.000.- sem við notaben greiddum fyrst um sinn um von um
bjartari tíma eða þangað til veskið sagði stopp. Lánið fór í frystingu og
ekkert sá til sólar, þannig að við hættum að greiða af láninu af
skiljanlegum ástæðum. Nú í dag 2 árum seinna stendur höfuðstóll lánsins í
75.343.615.- verðmæti eignar ca 27.000.000.- 🙂 Nú er svo komið að við
vorum að fá innheimtuseðil frá lögfræðideild Arion banka, fáranlegt nafn,
með 2.106.981.- innheimtukostnaði???? Eru þessir menn veruleikafirrtir, ég
bara spyr. Í hvaða heimi lifa þessir menn sem stjórna þessu rekaldi hérna,
átti ekki að koma á móts við heimilin í landinu, hver græðir á þessum
gjörningi??’ Ekki við, tæplega bankinn, getur þú bent mér á hver hefur
hagnað af þessum aðgerðum?? Mitt svar er enginn og í því ljósi hlýtur að
vera krafa okkar og þúsunda íslendinga í sömu stöðu að þessi lán verði færð
aftur á par. Ég held að þetta dæmi sé ekkert einsdæmi og þessar aðgerðir
sem þessi kálfur í félagsmálaráðuneytinu er að kynna eru engan veginn
ásættanlegar í ljósi þess ástands sem hér ríkir og við algjörlega saklaus af.