Jóhann Hauksson skrifar að úthutun Jóns Bjarnasonar á makrílkvóta sé enn einn naglinn í líkkistu ríkisstjórnarinnar. Þetta virðist vera allt annar ráðherra en úthlutaði skötuselskvótanum hér um daginn:
Jóhann skrifar:
„Jón skapar enga sátt. Hann fer gegn stefnumiðum um inköllun kvótans. Hann gerir það á þann grófasta hátt sem hann getur með því að úthluta “nýrri tegund”, nýjum verðmætum og skapa fordæmi að nauðsynjalausu.
Eiga reynsluboltarnir nú að fá að veðsetja makrílkvóta?
Gátu reynsluboltarnir ekki bara leigt kvótann af þjóðinni?
Vildu þeir útiloka samkeppni?
Við hverja?
Vaðalinn frá ráðuneyti Jóns um alhliða verðmætasköpun skiptir hér engu máli. Maðurinn sem hélt sig við prinsípið í stefnuyfirlýsingu ríkisstjórnarinnar í skötuselsmálinu hefur nú gefist upp.
Við gætum eins haft Árna M. eða Einar K. – þæga hunda í bandi LÍÚ – fyrir sjávarútvegsráðherra.
Reglugerð ríkisstjórnar Jóns Bjarnasonar í dag er enn einn naglinn í líkkistu núverandi ríkisstjórnar.
Bráðum er fullneglt.“
