fbpx
Laugardagur 29.nóvember 2025

Mynd af hamstrandi móður vekur úlfúð – Ástæðan er skelfileg

Guðrún Ósk Guðjónsdóttir
Föstudaginn 20. mars 2020 10:00

Ekki missa af Helstu tíðindum dagsins í pósthólfið þitt

Lesa nánar

Mynd af konu kaupa tuttugu dunka af barnaþurrmjólk hefur vakið mikla úlfúð. Í Bretlandi eiga sumir foreldrar erfitt með að finna þurrmjólk í verslunum og þurfa að kaupa hana á netinu fyrir allt að 25 þúsund krónur. Mjólkin kostar venjulega um 1300 krónur í búð. Fabulous Digital greinir frá.

Óprúttnir aðilar eru að hamstra mjólkina og selja hana dýrum dómum til örvæntingarfullra foreldra.

Myndin af konunni var tekin á mánudaginn. Síðan þá hefur hún farið eins og eldur í sinu um netheima og tjá netverjar andstyggð sína á konunni.

Það er þó ekki á hreinu hvort konan var að hamstra mjólkina fyrir barnið sitt eða til að selja öðrum.

Margir spyrja sig af hverju verslunin leyfi fólki að kaupa þurrmjólk í svona miklu magni.

Tilboðsstríð fyrir þurrmjólk

Fyrir nokkrum dögum reyndi einhver að selja þurrmjólk á eBay og óskaði eftir tilboði. Þegar Fabulous Digital sá auglýsinguna voru átján manns búnir að bjóða í mjólkina og fjórir dagar eftir af uppboðinu. Mjólkin var komin upp í rúmlega 25 þúsund krónur. Það er skelfilegt að hugsa til þess að einhver þurfi að borga 25 þúsund krónur í stað 1300 króna svo barnið þeirra geti fengið viðeigandi næringu.

Fabulous Digital hafði samband við seljandann, sem tók auglýsinguna út en svaraði ekki fyrirspurn þeirra.

Þetta er hins vegar ekki eini seljandinn sem ætlar að græða á kórónuveirunni. Fleiri aðilar eru að selja þurrmjólk á uppsprengdu verði á netinu.

Ógeðslegt

Sara McCullough er tveggja barna móðir. Hún á tvo syni sem eru 20 mánaða og tíu vikna gamlir. Í samtali við Fabulous sagði hún:

„Þetta er hræðilegt, sérstaklega miðað við aðstæður. Það eru svo margir sem eru atvinnulausir og eiga erfitt með að ná endum saman. Börn þarfnast þurrmjólkurinnar og það er virkilega ógeðsleg að einhver setji móður undir þá pressu að þurfa að borga brjálað verð svo barnið hennar lifi af.“

Sara hefur átt erfitt undanfarið með að kaupa þurrmjólk. Hún kaupir hana venjulega á netinu en hún hefur verið uppseld. Hún hefur líka verið uppseld í verslunum og stórmörkuðum.

„Ég kíkti síðan á Amazon og mjólkin verður ekki til á lager fyrr en í lok apríl,“ segir hún og sér engra aðra kosta völ en að borga himinháa upphæð svo barnið hennar fái næringu.

Talsmenn eBay sögðust vera meðvitaðir um vandann og vera að fylgjast með þessu. „Við látum þetta ekki viðgangast,“ kom fram í tilkynningu frá eBay til The Sun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Stórt skref fyrir ÍTF
EyjanFastir pennar
Fyrir 6 klukkutímum

Óttar Guðmundsson skrifar: Hallgrímur Pétursson í jólabókaflóðinu

Óttar Guðmundsson skrifar: Hallgrímur Pétursson í jólabókaflóðinu
433Sport
Fyrir 14 klukkutímum

Langskotið og dauðafærið – Græðir þú á áframhaldandi hörmungum Liverpool?

Langskotið og dauðafærið – Græðir þú á áframhaldandi hörmungum Liverpool?
Fréttir
Fyrir 16 klukkutímum

Úlfar afar harðorður um ástandið í lögreglunni – Hugleiðir að sækja um sem ríkislögreglustjóri

Úlfar afar harðorður um ástandið í lögreglunni – Hugleiðir að sækja um sem ríkislögreglustjóri
433Sport
Fyrir 16 klukkutímum

Segir farir sínar ekki sléttar eftir fund með yfirmanninum – Kona hans og börn grétu eftir tíðindin

Segir farir sínar ekki sléttar eftir fund með yfirmanninum – Kona hans og börn grétu eftir tíðindin
Fréttir
Fyrir 18 klukkutímum

Sakar Stefán Einar um að misnota Morgunblaðið – „Þetta lið hlær að ykkur“

Sakar Stefán Einar um að misnota Morgunblaðið – „Þetta lið hlær að ykkur“
433Sport
Fyrir 18 klukkutímum

Stjórinn undir pressu og tvö áhugaverð nöfn á blaði

Stjórinn undir pressu og tvö áhugaverð nöfn á blaði
Pressan
Fyrir 20 klukkutímum

„Hann sveik hvern einasta Bandaríkjamann sem hjálpaði honum að komast hingað“

„Hann sveik hvern einasta Bandaríkjamann sem hjálpaði honum að komast hingað“
433Sport
Fyrir 20 klukkutímum

Einn besti leikmaður City að verða samningslaus – Guardiola segir að hann ráði för

Einn besti leikmaður City að verða samningslaus – Guardiola segir að hann ráði för