Það getur tekið á að vera í sóttkví eins og margir hafa komist að síðustu mánuði og ein af hliðarverkun þess að eyða löngum stundum innandyra getur ært upp sultinn í besta fólki.

Þegar Kourtney Kardashian var á dögunum spurð hvort hún væri ófrísk eftir að hún birti mynd af sér á bikiníi var hún snögg að svara: „Svona lít ég út þegar ég er með nokkur aukakíló og það vill svo til að ég elska það.“ Og hún hélt áfram: „Ég bætti á mig nokkrum kílóum í sóttkví og ég elska líkama minn og er stolt af honum. Ég held að ég líti alls ekki út fyrir að vera ófrísk,“ sagði Kourtney sem hefur algerlega rétt fyrir sér.

Fyrrum ofurfyrirsætan Christie Brinkley hefur dvalist á heimili sínum í Hamptons í sóttkví og segist hafa bætt á sig nokkrum kílóum. Hún segist þó á fullu kaupi að losa sig við þau með hlaupum á ströndinni. „Ég er staðráðin í því að komast aftur í toppform,“ segir Christie sem virðist einmitt vera í toppformi nú þegar söngfuglinn Justin Bieber gantaðist með meint aukakíló í nýlegri Instagram færslu með mynd af sér í víðum fötum undir yfirskriftinni; „Er að bæta á mig.“

Raunveruleikastjarnan Madisson Hausburg segist hafa þyngst í sóttkví og að hún sé hæstánægð með brjóstin á sér í kjölfarið. „Þetta er sóttkví og ég hef fitnað smá og brjóstin á mér eru orðin rosalega stór og ég elska það,“ segir Madisson sem kveðst hafa bætt á sig sjö kílóum.

Raunveruleikastjarnan Nene Leakes var efins að pósta þessari mynd sem tekin var í sóttkví í maí því henni þótti hún heldur bústin á henni. Hún birti myndina samt ásamt nokkrum vel völdum orðum. „Jæja, ég steig á vigtina í morgun … ég er formlega orðin bústin!“

Það er alltaf létt í ofurfyrirsætunni Chrissy Teigen sem grínaðist með það á dögunum að tala punda sem hún hafi bætt á sig sé orðin tveggja stafa. „Mér er svo sem sama um þyngdina en er farið að líða svolítið eins og letidýri hvað orkuna varðar.“