Jada Pinkett Smith segir frá því hvernig heimsfaraldurinn vegna kórónuveirunnar hefur haft áhrif á hjónaband hennar og leikarans Will Smith.
Hún opnar sig í Facebook-þættinum Red Table Talk með dóttur sinni, Willow Smith, og móður, Adrienne Banfield Norris.
Málefni þáttarins var um sambönd á tímum kórónuveirunnar.
„Ég verð að vera hreinskilin. Ég held að eitt af því sem ég hef áttað mig á er að ég þekki Will ekki neitt,“ sagði hún um eiginmann sinn til 23 ára.
„Ég held að með tímanum fari samband þitt á það stig að þú býrð til sögur í huganum um makann þinn og þú hefur einhverja ákveðna hugmynd um hver makinn þinn er, en það er ekki rétt.“
Jada Pinkett Smith sagði að hún væri núna „að fara í gegnum ferlið að rekja upp þessar sögur og hugmyndir um Will“ svo hún getur virkilega skilið hver eiginmaður hennar er.
Hún sagði frá því hvernig parið væri að vinna í því að kynnast hvoru öðru upp á nýtt og reyna að byggja upp vináttu.
„Við erum að læra að vera vinir. Þú hefur einhverjar hugmyndir um hvernig sambönd eiga að vera, hvernig hjónaband á að vera. Will er að vinna í því að læra að elska sjálfan sig og ég er að læra að elska mig sjálfa,“ segir hún.