Kínverska samfélagsmiðlastjarnan Wang Meng Yun afhjúpar sannleikann á bak við umdeilt myndband sem hefur vægast sagt vakið hörð viðbrögð. News.au greinir frá.
Í myndbandinu má sjá Wang Meng Yun borða leðurblöku-súpu. Myndbandið hefur vakið mikla athygli í kjölfar útbreiðslu kórónaveirunnar frá Wuhan. Um 1300 manns í Kína hafa greinst með þessa veiru og hefur neyðarástandi verið lýst yfir í Hong Kong. Leðurblökur eru taldar vera mögulegur smitberi fyrir veiruna. Þannig þegar myndband af Wang borða leðurblöku fór sem eldur um netheima varð allt brjálað.
Wang Meng Yun opnar sig nú um myndbandið í færslu á vefsíðu sinni.
„Fyrirgefið allir saman, ég ætti ekki að borða leðurblökur,“ segir hún.
„„Þú ættir að fara til helvítis. Þú ættir að vera drepin í kvöld. Þú ert skrýtin. Þú ert ógeðsleg. Af hverju ertu ekki dáin?“ Þetta eru skilaboðin sem ég hef fengið í dag.“
Wang neitar ekki fyrir það að myndbandið sé alvöru, en hún segir að það sé þriggja ára gamalt og sé ekki tekið upp í borginni Wuhan né annarsstaðar í Kína.
Hún segir að þetta er frá því að hún var á eyjunni Palau, sem er hluti af eyjaklasanum Míkrónesíu í Kyrrahafi fyrir austan Filippseyjar.
„Í maí 2016 þá vissi ég ekki af veirunni. Það var þegar þetta myndband var fyrst gefið út. Ég vildi bara kynna lífsstíl heimamanna þarna. Ég vissi ekki að leðurblaka gæti verið smitberi,“ segir Wang.
Hér að neðan má sjá færsluna hennar.