Lyndsey Birrell Palmer er þríburamamma og því óhætt að segja að heimilishaldið sé líflegt. Þríburarnir, Indi, Ella og Lexi eru tveggja ára. Nýlega lagði hún þær niður í hádegislúrinn. En svo heyrði Lyndsey í þeim inni í herbergi. Þegar hún opnaði hurðina var hún í sjokki.
Þríburarnir höfðu komist í bleyjukrem og dreift því um allt herbergið og yfir sig alla.
„Þegar ég kom inn í herbergið var það fyrsta sem ég hugsaði hvað lyktin væri skrýtin, en það er ekki óvenjulegt fyrir þríbura á þessum aldri. Ég kveikti á ljósinu og sá Lexi með þetta stóra bros á andlitinu og hvítt bleyjukrem út um allt á henni. Það var þá sem ég sá hvað hafi gerst og það fyrsta sem ég hugsaði var: Guð minn góður, þetta er ALLS STAÐAR!“ Sagði Lyndsey við Mirror.
Lyndsey gat ekki annað en hlegið. Hún tók upp stórkostlegt myndband sem þú getur horft á hér að neðan.