Sunnudagur 15.desember 2019
Bleikt

Stjörnuspá vikunnar: Innsæið leiðir þig á óvenjulega braut

Ritstjórn Bleikt
Sunnudaginn 22. september 2019 19:30

Ekki missa af Helstu tíðindum dagsins í pósthólfið þitt

Lesa nánar

Stjörnuspá vikunnar

Gildir 22. – 28. september

stjornuspa

Hrútur
21. mars–19. apríl

Þú ræður þig í vinnu hjá áhrifamikilli manneskju sem þú lítur mikið upp til. Þú átt eftir að læra margt í þjónustu hennar og viða að þér tæki og tólum til að taka sniðugar ákvarðanir í framtíðinni sem geta orðið afar arðbærar fyrir fjárhaginn. Fylgstu vel með og taktu glósur – þær eiga eftir að koma sér vel.

stjornuspa

Naut
20. apríl–20. maí

Þú þarft aðeins að selja hæfileika þína á nýjum starfsvettvangi. Þú þarft að sanna fyrir fólki að þú sért besta manneskjan í hlutverkið og það tekur smá á taugarnar fyrir manneskju sem hélt að allir sæju hve frábær hún væri. Nú kemur þrjóskan sér vel og þú hættir ekki fyrr en allir skilja hve stórkostleg/ur þú ert.

stjornuspa

Tvíburar
21. maí–21. júní

Þú færð hugljómun og algjörlega stórkostlega hugmynd sem þú verður að hrinda í verk. Eina sem stendur í vegi fyrir þér eru peningar – tja, eða skortur á þeim. Þú skalt íhuga vel hvort að hópfjármögnun sé ekki fyrir þig. Það er aðili sem er tilbúinn að lána þér peninga en ekki treysta honum – hann er ekki allur þar sem hann er séður.

stjornuspa

Krabbi
22. júní–22. júlí

Þú skalt aðeins draga þig í hlé, kæri krabbi. Þú hefur verið hrókur alls fagnaðar undanfarið en nú skaltu frekar halda þig heima fyrir en að fara í gleðskap. Þú ert hvort sem er ekki að missa af neinu. Þig vantar spennu í lífið og hugsanlega er kominn doði í ástarsambandið sem ekki er hægt að lífga við. Því gæti verið komið að endalokum.

stjornuspa

Ljón
23. júlí–22. ágúst

Þú ert rosalega óskipulögð/lagður og það er farið að hafa slæm áhrif heima fyrir og í vinnunni. Þú missir stanslaust af mikilvægum fundum og stefnumótum og það ýtir við þér að vera skipulagðari. Svo er mjög mikilvægt að þú setjir þér mörk – sérstaklega þegar kemur að ástarsamböndum. Mörk eru af hinu góða og þú þarft þau.

stjornuspa

Meyja
23. ágúst–22 .sept

Seinni partur vikunnar verður sérstaklega skemmtilegur og það er gleðskapur í vændum sem þú hlakkar mikið til. Hins vegar eru einhver vandræði í fjölskyldulífinu og það er stuttur þráður hjá þér vegna þess að þú opnar þig ekki um það sem virkilega er að angra þig. Það getur verið slæmt að loka sig af – reyndu að breyta því.

stjornuspa

Vog
23. sept–22. okt

Það slettist upp á vinskap og þú þarft að taka á honum stóra þínum og fyrirgefa. Þér finnst það erfitt og þú ert ekki alveg til í það. Hins vegar er stór og mikill máttur fólginn í fyrirgefningunni og þér líður betur þegar þetta missætti er leyst. Þú lærir einnig að það er ómögulegt að breyta fólki þannig að þú ættir að hætta að reyna það.

stjornuspa

Sporðdreki
23. okt–21. nóv

Gamall vinur hringir í þig og biður þig um að gera svolítið með sér sem þú myndir ekki vanalega gera. Þú skalt hoppa á tækifærið til að fara aðeins út fyrir þægindahringinn og prófa eitthvað nýtt – þú sérð ekki eftir því. Þessi gamli vinur þarf einnig peningalega aðstoð þína. Það ættirðu hins vegar að varast.

stjornuspa

Bogmaður
22. nóv–21. des

Þú ert að leita að nýjum tækifærum og það dettur eitt í kjöltuna á þér nánast án þess að þú takir eftir því. Þetta tækifæri gæti gefið mjög vel í aðra hönd ef þú ert til í að vinna mikið og lengi hvern dag. Er það þess virði eða viltu einbeita þér að fjölskyldulífinu? Þetta er stór spurning sem vefst fyrir þér alla vikuna.

stjornuspa

Steingeit
22. des–19. janúar

Innsæi þitt leiðir þig á óvenjulega braut í þessari viku. Steingeitin mín, þú ert svo skynsöm og pottþétt og það er ekkert að fara að breytast. Hins vegar langar þig, og er búið að langa lengi, að fara út fyrir boxið þitt. Þú skalt því fylgja þessu innsæi svo lengi sem þér líður vel með það. Mundu að það er allt í lagi að gera mistök – þau geta oft leitt okkur á stórkostlegan stað.

stjornuspa

Vatnsberi
20. janúar–18. febrúar

Vatnsberinn minn, þú ert svo týndur þessa dagana og þú skilur ekki af hverju. Þú ert hins vegar búin/n að grafa einhvers konar sorg langt niðri í mjög langan tíma. Nú er komið að skuldadögum og þú verður að takast á við þessa sorg, hver svo sem hún er. Kannski finnst þér þetta ekkert stórmál en um leið og þú talar um þetta þá líður þér betur.

stjornuspa

Fiskar
19. febrúar–20. mars

Einhleypir fiskar finna fyrir algjörlega nýrri tilfinningu í vikunni. Allt í einu verður góður vinur mjög álitlegur og það hræðir þig að þú gætir verið að falla fyrir manneskju sem þú hefur þekkt nánast allt þitt fullorðinslíf. Stundum sér maður ekki skóginn fyrir trjánum og nú er komið að þér að fylgja hjartanu. Gaman!

Afmælisbörn vikunnar:

22. september – Raggi Bjarna tónlistarmaður, 85 ára
23. september – Snæfríður Ingadóttir þúsundþjalasmiður, 46 ára
24. september – Kristín Ómarsdóttir rithöfundur, 57 ára
25. september – Atli Már Gylfason blaðamaður, 35 ára
26. september – Ólafur Jóhann Ólafsson, rithöfundur og viðskiptajöfur, 57 ára
27. september – Ólöf Skaftadóttir, ritstjóri Fréttablaðsins, 31 árs
28. september – Haffi Haff tónlistarmaður, 35 ára

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 3 dögum

Tók mynd af syni sínum og bjargaði lífi hans – Þörf áminning til allra foreldra

Tók mynd af syni sínum og bjargaði lífi hans – Þörf áminning til allra foreldra
Bleikt
Fyrir 4 dögum

Vandamál: Getur ekki hætt að hugsa um typpastærð fyrrverandi elskhuga kærustunnar

Vandamál: Getur ekki hætt að hugsa um typpastærð fyrrverandi elskhuga kærustunnar
Bleikt
Fyrir 4 dögum

Cardi B útskýrir af hverju hún var áfram með Offset eftir að hann hélt framhjá

Cardi B útskýrir af hverju hún var áfram með Offset eftir að hann hélt framhjá
Bleikt
Fyrir 5 dögum

Skilaboð sem allir foreldrar ættu að lesa

Skilaboð sem allir foreldrar ættu að lesa
Bleikt
Fyrir 6 dögum

Stjörnuspá vikunnar: Óvæntur gestur setur sinn svip á heimilislífið og það á góðan hátt

Stjörnuspá vikunnar: Óvæntur gestur setur sinn svip á heimilislífið og það á góðan hátt
Bleikt
Fyrir 6 dögum

Lesið í tarot Vigdísar Hauks: Erfiðar en óhjákvæmilegar breytingar í einkalífinu

Lesið í tarot Vigdísar Hauks: Erfiðar en óhjákvæmilegar breytingar í einkalífinu

Tarot Spil

Veldu þér spil og sjáðu spádóm þinn.