Konan var þoglumælt og kvartaði undan dofa í andliti og höndum. Skömmu síðar leið yfir hana og hún féll í dá en hún hefur legið í dái vikum saman núna. Stjórnendur í heilbrigðisgeiranum hafa nú fundið það sem olli því að konan fór í þetta ástand en það var andlitskrem sem hún keypti í Mexíkó.
Fenginn var listi yfir allar þær snyrtivörur sem konan notaði og vörurnar rannsakaðar. Komist var að því að það var andlitskrem frá fyrirtækinu Pond’s sem olli þessu en kremið innihélt mikið magn af metýlkvikasilfri sem varð til þess að konan fékk kvikasilfurseitrun. Konan keypti kremið í Jalisco, sem er ríki í Mexíkó, en kremið er notað til að lýsa upp húðina auk þess sem það á að fjarlægja hrukkur og dökka bletti.
Það er eðlilegt þegar magn kvikasilfurs í lítra blóði er undir 20 míkrógrömm en í blóði konunnar var mun meira magn af kvikasilfri, 2.600 míkrógrömm í einum lítra.
Pond’s segir að fyrirtækið noti ekki kvikasilfur við framleiðslu hjá sér en kvikasilfrinu hafði verið bætt út í kremið eftir að Pond’s sendi það frá sér. Sonur konunnar sagði í samtali við CBS að móðir sín hafi notað kremið tvisvar á dag í mörg ár og hún vissi að það væri einhverju hafði verið bætt við kremið. Þess vegna notaði hún þetta krem því það virtist virka betur en aðrar svipaðar vörur.
Pond’s hefur lofað að vinna náið með söluaðilum svo hægt sé að ganga úr skugga um að ekki verði átt við neinar vörur á meðan þær fara frá verksmiðjunni og upp í hillur verslana.
