Þriðjudagur 21.janúar 2020
Bleikt

Varð vitni að grimmilegri hegðun unglingsstúlku í verslun: „Með svona vini þarftu ekki óvini“

Ritstjórn Bleikt
Fimmtudaginn 8. ágúst 2019 10:30

Susie Hasler. Mynd: Instagram

Ekki missa af Helstu tíðindum dagsins í pósthólfið þitt

Lesa nánar

Susie Hasler kom unglingsstúlku til varnar eftir að vinkona stúlkunnar sagði að hún liti „hræðilega út.“

Susie er stílisti frá Sussex og var að versla í Primark þegar hún varð vitni að grimmilegri hegðun vinkonunnar. Hún greinir frá atvikinu á Instagram, þar sem hún er með 17 þúsund fylgjendur. Breskir miðlar, eins og Mirror og The Sun, hafa fjallað um málið.

„Ég var í Primark og þar voru tvær stelpur að máta sólgleraugu. Ein af þeim – og með svona vini þarftu ekki óvini – var að fá vegfarendur til að segja hversu hræðilega vinkona hennar leit út.

Hún sagði: „Þessi gleraugu eru skelfileg, fyrirgefðu, getur þú sagt vinkonu minni hversu hræðilega hún lítur út?“

Ég ákvað að blanda mér í þetta og spurði hvort ég mætti sjá hana með gleraugun. Stúlkan sneri sér við og hún var með hátísku sólgleraugu, ekki fyrir alla.

Ég sagði að ég væri persónulegur stílisti og mér þætti gleraugun æði og ef hún væri hrifin af þeim ætti hún að kaupa sér þau.

Á þessum tímapunkti sagði hún: „Ég held að ég ætla að hlusta á skoðun persónulega stílistans.“

Vonda vinkonan sagði þá: „En ég er ekki hrifin af þeim, ég er meira hrifin af þessum klassísku.“

Ég svaraði: „En hvað með vinkonu þína? Hún er æði með þessi gleraugu.““

Unglingsstúlkan endaði á því að kaupa sólgleraugun.

Susie sagði fylgjendum sínum að það væri hægt að læra ýmislegt af atvikinu.

„Vertu varkár um hvaða fólk þú umkringir þig með og mundu að þó svo að vini þínum líkar ekki eitthvað, þá þýðir það ekki að þú megir ekki kaupa það. Treystu á þitt eigið innsæi. Og ef ég er nálægt þá mun ég láta þau heyra það!“

Eins og fyrr segir vakti þetta mikla athygli og sagði einn fylgjandi hennar: „Áfram Susie! Frábært ráð sem margar konur ættu að hlusta á.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 6 dögum

Lögreglan stöðvaði bíl eftir hjálparkall ungrar stúlku – Ekki var allt sem sýndist

Lögreglan stöðvaði bíl eftir hjálparkall ungrar stúlku – Ekki var allt sem sýndist
Bleikt
Fyrir 6 dögum

Bikinímyndin sem olli usla árið 1977: „Þetta gerði mjöðmina að nýja kynörvandi svæðinu“

Bikinímyndin sem olli usla árið 1977: „Þetta gerði mjöðmina að nýja kynörvandi svæðinu“

Tarot Spil

Veldu þér spil og sjáðu spádóm þinn.