Mynd af brúðguma og konu í hvítum brúðarkjól hefur vakið mikla athygli. Ástæðan fyrir því er að konan er ekki brúður hans, heldur móðir hans.
Móðir brúðgumans var greinilega stjarnan í brúðkaupinu ef marka má föt hennar. Hún klæddist hvítum blúndukjól og var með hvítt höfuðfat í stíl. Skiljanlegt að fólk reiknaði með að hún væri brúðurin.
Mynd af þeim var deilt á Facebook þar sem vinur brúðgumans uppljóstraði því að þetta væri móðir brúðgumans en ekki eiginkona hans.
„Facebook vinur minn gifti sig í gær, af hverju halda tengdamæður að það er í lagi að klæðast hvítu. Ég hefði orðið öskuill,“ skrifaði hún á Facebook með myndinni. Hún deildi henni í Facebook-hópnum Thath‘s It I‘m Wedding Shaming. Þar hafa mörg hundruð manns skrifað við myndina.
Ein kona sagði að kjóllinn væri alveg eins og brúðarkjóll hennar. Margir skrifuðu og sögðust hafa haldið að þetta væru brúðhjón og voru í sjokki þegar þau komust að sannleikanum.
„Þetta er ekki einu sinni bara hvítt! Þetta lítur út fyrir að vera brúðarkjóll,“ skrifar ein kona í hópnum.
Fleiri skrifuðu við myndina:
„Omg ég hélt að myndin væri af brúðinni. Ég hefði orðið svo pirruð!“
„Þetta er fáránlegt. Þvílík blúnda og svo höfuðfatið!“
„Hún er ekki bara að klæðast hvítum kjól, hún er í brúðarfötum!“
Hvað segja lesendur, gekk móðir brúðgumans of langt?
