Skartgripasali deilir myndum af tveimur hringum sem eru næstum því nákvæmlega eins. En einn hringurinn kostar 75 þúsund krónum meira. Getur þú séð hvor hringurinn er verðmætari?
Gary Ingram, forstjóri TheDiamondStore.co.uk, deildi myndunum af hringunum. Einn hringurinn er gerður í rannsóknarstofu og hinn er unninn á hefðbundin hátt úr námum. Hringurinn á myndinni til vinstri var unnin úr námum, hringurinn til hægri var búinn til á rannsóknarstofu.
Gary deildi myndunum til að sanna að það væri „enginn munur“ á þeim, fyrir utan verðið. En hringurinn sem var búinn til í rannsóknarstofu er 75 þúsund krónum ódýrari.
„Demantar úr rannsóknarstofu eru demantar, og innihalda sömu efnislegu, ljósfræðilegu og efnisfræðilegu eiginleika eins og aðrir demantar, en eini munurinn er hvernig ferlið er og hvaðan þeir koma,“ segir hann í viðtali við Mail Online.
„Það er enginn sjáanlegur munur á þeim sem einhver skartgripasali getur komið auga á, þeir eru alveg eins. Það er aðeins hægt að greina þá í sundur með því að nota mjög tæknilegan búnað í rannsóknarstofum.“
Gary útskýrir einnig hvernig demantar úr rannsóknarstofum eru betri fyrir umhverfið og gerðir á mun siðferðilegri máta. Hann telur að demantarnir munu verða sértaklega vinsælir meðal unga fólksins.