Rachel Brogan fékk skilaboð frá ókunnugum karlmanni á Facebook. Fljótlega kom í ljós að um skelfilega „pikköpp“ línu (e. pick-up line) um að ræða.
Rachel deildi skjáskoti af samskiptum þeirra á Twitter og hefur færslan slegið í gegn.
Stefnumótaheimurinn er harður heimur. Fólk reynir ýmislegt til að koma sér á framfæri og kynnast öðru fólki. Það reyndi svo sannarlega einn maður við hana Rachel sem er 23 ára.
Hún fékk óvænt skilaboð frá ókunnugum karlmanni sem spurði hvort hún hafði heyrt um afa sinn.
„Hey, varstu búin að heyra með afa minn?“
Rachel vissi ekkert hver þetta var eða um hvað hann var að tala, svo hún sendi til baka: „Ha?“
Þá sendi maðurinn til baka: „S*** afsakaðu vitlaus manneskja, ætlaði að senda stelpu sem ég var í skóla með en ýtti óvart á þig. Ekki að hugsa skýrt þar sem ég var að missa afa menn, afsakaðu.“
Saklaus mistök? Líklegast ekki þar sem maðurinn sendi henni svo:
„Þú ert fögur samt,“ og svo broskall. „Ertu á lausu?“
Rachel féll ekki fyrir þessu bragði og svaraði honum ekki. Hún tók skjáskot af samskiptunum og deildi því á Twitter. Yfir 32 þúsund manns hafa líkað við tístið.
A mean that’s a weird way to slide into the DM’s pic.twitter.com/aR9i3cGHnB
— legally blonde (@_rachelbrogan) November 4, 2019
„Mér fannst þetta skrýtin leið til að ná athygli minni,“ segir hún. „Ég held hann hafi ekki ætlað að senda neinum öðrum þessi skilaboð.“
Hvað segja lesendur? Hafið þið heyrt um verri pikköpp línur?
