Tískumógúllinn Victoria Beckham prýðir forsíðu tímaritsins Vogue í Póllandi og opnar sig um vinnuna og fjölskyldulífið í viðtali inni í blaðinu.
Victoria er gift knattspyrnugoðinu David Beckham og eiga þau saman fjögur börn; Brooklyn, 20 ára, Romeo, 17 ára, Cruz, 14 ára og Harper, 8 ára. Í viðtalinu er Victoria til að mynda spurð að því hvað hún elski mest við sig sjálfa. Þá stendur ekki á svörunum – einfaldlega að vera „góð móðir.“
Í viðtalinu fer hún einnig yfir tískuveldið sem hún er búin að byggja upp síðustu ár og ljóstrar upp að hún sé nú með í vöruþróun umhverfisvæna snyrtivörulínu. Varðandi frekari framtíðarplön þá segir Victoria í viðtalinu að hún segi ávallt við sjálfa sig eftirfarandi:
„Ég get átt stórra drauma og enn þá stærri. Síðan þarf ég að leggja mikið á mig.“
Það var breski ljósmyndarinn Alexi Lubomirski sem tók myndirnar af Victoriu en myndatakan átti sér stað í London.
