Föstudagur 13.desember 2019
Bleikt

Vandræðalegt að sjá fólk í samfarahreyfingum á bólstruðum bekk á Loftinu

Ragnheiður Eiríksdóttir
Föstudaginn 22. mars 2019 17:00

Ekki missa af Helstu tíðindum dagsins í pósthólfið þitt

Lesa nánar

Sambönd eru með öllu lagi en með orðinu er átt við að fólk tengist á einhvern hátt. Sambönd geta til dæmis verið viðskiptalegs eðlis, vinasambönd, ástarsambönd og kynlífssambönd. Þau geta verið dásamleg, gefandi, góð eða arfaslæm, og þau geta verið ævilöng eða örstutt. Samkvæmt þessari skilgreiningu eru einnar nætur kynlífssambönd líka sambönd. Enda vita margir að þau geta falið í sér ýmislegt gott og gefandi, sérstaklega ef aðilar máls eru einlægir, afslappaðir og umfram allt kurteisir.

Einnar nætur gaman hefst því miður oft á barnum þar sem tveir ölvaðir einstaklingar sem hafa kvatt bróðurpart dómgreinda sinna bregðast við aðlöðun með því að fara saman heim í rúmið. Margur hefur vaknað skelþunnur í ókunnugu bóli við hlið einhvers eða einhverrar sem lítur gjörsamlega framandi út í morgunskímunni.

Það sama gildir þó að um sé að ræða örstutt sambönd sem vara í nokkra klukkutíma, og þau sem endast áratug, þau eru miklu skemmtilegri ef fólk vandar sig.

Það er að sjálfsögðu ekkert að kynlífi við fyrstu kynni, og mörgum finnst bráðnauðsynlegt að kanna hvort kynferðislegur blossi sé til staðar áður en lengra er haldið.

Hér eru nokkrar reglur sem vert er að hafa í huga ef einnar nætur gaman er á dagskránni:

  1. Hreinskilni – er mögulega mikilvægasta atriðið. Ef vel á að vera ættir þú að hafa þetta í huga áður en þú ert komin/n í allsbera leikfimi með einhverjum uppi í rúmi. Það er langbest að gjöra hug sinn kunnugan á fyrri stigum málsins, hvort þú ert að leita að einnar nætur gamni eða þráir að okfruma (forstig fósturs) verði til í kjölfar kvöldsins.
  2. Vertu lekker – það getur verið sjóðheitt og æsandi að detta í blautan skemmtistaðasleik í dimmu horni, en reynið fyrir alla muni að hafa vit á því að drífa ykkur heim áður en þið byrjið að rífa ykkur og mótaðilann úr fötunum. Það er alltaf smá vandræðalegt að sjá fólk í samfarahreyfingum á bólstruðum bekk á Loftinu.
  3. Vertu viðbúin/n – smokkar eru sexí og það er bókað mál að í kjölfar einnar nætur gamans eru mun minni líkur á kynlífsþynnku ef þú notar smokk (þ.e. ef samfarir eru á dagskrá). Þetta á bæði við konur og karla sem fara út á galeiðuna í veiðihug. Þú veist alveg hvaða áhætta felst í því að stunda smokklausar samfarir, svo ég sleppi þeirri upptalningu hér. Ef þú ert ekki búin/n að huga að þessu atriði fyrirfram er mun líklegra að þú takir sénsa sem þú seinna sérð eftir.
  4. Kveddu fallega – það er allt í lagi að fara þegar lostanum lýkur. Sumir eiga erfitt með að sofa á ókunnugum stað og öðrum finnst líkamleg nánd í svefni allt annað en þægileg. Ekki falla í þá gryfju að læðast út í myrkrinu og halda niðri í þér andanum til að vekja ekki húsráðanda. Þakkaðu fyrir þig og kveddu fallega, eins og eftir hverja aðra heimsókn. Ef einhvern tíma er ástæða til þess er það einmitt þegar húsráðandi hefur sýnt þá fádæma gestristni að deila með þér líkama sínum. Það er fallegt. Ef þú vilt skora aukastig og fá gott umtal er svo ekki úr vegi að senda sms eða skilaboð á Facebook til að þakka við samveruna. Þeir sem fá slæmt umtal í skyndikynnabransanum hætta fljótt að veiða ef það gerist.
  5. Lagaðu til eftir þig – ef þú hefur kastað af þér nærbuxum, sokkum eða brjóstahaldara er ekki huggulegt að fara án þess að finna allar spjarirnar. Andaðu rólega og finndu bæði vinstri og hægri sokk. Svo er það dauðasyndin … ef þú ert með typpi og notaðir smokk, er það ÞITT verk að henda smokknum í ruslið. Það er sjúklega ósmart að láta húsráðanda það eftir að tína upp gúmmítægjur með þínu DNA.
  6. Í kjölfarið – í öllum bænum ekki vera lúði og vera með vandræðagang þegar þú hittir einhvern sem þú hefur sofið hjá við þessar aðstæður. Að fara í rúmið með einhverjum allsber flokkast nefnilega sem náin samvera. Ef þú hittir manneskjuna í kjölfarið er viðeigandi að heilsa, brosa, spjalla – einfaldlega að vera indæll.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Ofurfyrirsæta skilur lítið eftir fyrir ímyndunaraflið í hvítum gegnsæjum topp

Ofurfyrirsæta skilur lítið eftir fyrir ímyndunaraflið í hvítum gegnsæjum topp
Bleikt
Fyrir 2 dögum

Cardi B útskýrir af hverju hún var áfram með Offset eftir að hann hélt framhjá

Cardi B útskýrir af hverju hún var áfram með Offset eftir að hann hélt framhjá
Bleikt
Fyrir 3 dögum

Beautytips fór á hliðina – Linda vildi feika óléttupróf – „Fucking ógeðslegt“

Beautytips fór á hliðina – Linda vildi feika óléttupróf – „Fucking ógeðslegt“
Bleikt
Fyrir 3 dögum

Áhrifavaldur æfur vegna „fitubollubúnings“ netverslunar

Áhrifavaldur æfur vegna „fitubollubúnings“ netverslunar
Bleikt
Fyrir 6 dögum

Einhleypir karlmenn deila hryllingssögum úr tilhugalífinu

Einhleypir karlmenn deila hryllingssögum úr tilhugalífinu
Bleikt
Fyrir 6 dögum

Áhrifavaldur í bobba – Hakkarar hótuðu að birta kynlífsmyndband af henni

Áhrifavaldur í bobba – Hakkarar hótuðu að birta kynlífsmyndband af henni
Bleikt
Fyrir 1 viku

Vændiskonur afhjúpa furðulegt blæti viðskiptavina – Blöðrur og ryksugur: „Engir tveir dagar eru eins“

Vændiskonur afhjúpa furðulegt blæti viðskiptavina – Blöðrur og ryksugur: „Engir tveir dagar eru eins“
Bleikt
Fyrir 1 viku

Sara sýnir hvað sjónarhorn skiptir miklu máli – Ekki trúa öllu sem þú sérð á samfélagsmiðlum

Sara sýnir hvað sjónarhorn skiptir miklu máli – Ekki trúa öllu sem þú sérð á samfélagsmiðlum

Tarot Spil

Veldu þér spil og sjáðu spádóm þinn.