Halle Berry, 52 ára, er ekki ókunnug erfiðum æfingum enda er hún í hörkuformi. Það þýðir þó ekki að hún sé alltaf í ræktinni. Í nýrri færslu á Instagram segir leikkonan hversu mikilvægt það var fyrir hana að læra hvernig hún getur forðast meiðsli.
Hún og þjálfari hennar, Peter Lee Thomas, ræddu um þetta málefni á IGTV síðastliðinn föstudag.
Umræðan var hluti af þáttum sem þau eru með á IGTV sem kallast #PhitTalk.
Halle og Phil byrjuðu á því að tala um mjög algengt vandamál: að æfa með slæm hné. Phil stakk upp á því að skipta út æfingum eins og hnébeygjum fyrir mjaðmalyftu og ‚kickbacks‘.
Leikkonan fór einnig yfir mikilvægi þess að teygja, hita upp og kæla niður eftir æfingar. Hún er aðdáandi köttur-kú, barna- og kóbrastöðunnar úr jóga.
„Þú getur ekki bara hoppað inn í æfingu. Ef þú hefur aldrei farið í kickbox þá mætirðu ekki allt í einu þegar þú ert 35 ára og heldur að þú sért að fara að rústa þessu,“ segir Halle.
Hún segir að fólk verði að hafa einhvern sem þekkir til æfingarinnar eða íþróttarinnar til aðstoða það svo það forðist meiðsli.
Halle Berry deildi einnig hvað uppáhalds brennslutækið hennar væri. Það er skíðavélin. „Ég gæti farið á skíðavélina í tvær klukkustundir,“ segir hún.
