fbpx
Sunnudagur 30.nóvember 2025

Björn Lúkas með öruggan sigur á fyrsta degi

Ragna Gestsdóttir
Þriðjudaginn 14. nóvember 2017 09:00

Ekki missa af Helstu tíðindum dagsins í pósthólfið þitt

Lesa nánar

Heimsmeistaramót áhugamanna í MMA fer fram um þessar mundir í Barein. Björn Lúkas Haraldsson er eini fulltrúi Íslands á mótinu en hann er kominn áfram í næstu umferð eftir sigur í gær.

Björn Lúkas keppir í millivigt en fyrsta umferð mótsins fór fram í gær. Björn mætti Spánverjanum Ian Kuchler í fyrstu umferð og lenti ekki í neinum teljandi vandræðum. Björn Lúkas er með mikla keppnisreynslu úr júdó, taekwondo og brasilísku jiu-jitsu og kom sú reynsla vel að notum í dag. Björn kastaði Spánverjanum niður, komst í yfirburðastöðu og kláraði með armlás eftir rúmar tvær mínútur af fyrstu lotu. MMAFréttir greindu fyrst frá.

Björn er þar af leiðandi kominn áfram í 16-manna úrslit en þau fara fram í dag. Þá mætir hann hinum írska Fionn Healy-Magwa. Írinn vann sinn bardaga í gær eftir klofna dómaraákvörðun og þurfti því að taka mun meira á því í búrinu í gær heldur en Björn. Healy-Magwa er 7-2 á áhugamannaferlinum í MMA en hann æfir hjá SBG í Dublin undir handleiðslu John Kavanagh.

Bardaginn í gær var þriðji MMA bardagi Björns á MMA ferlinum og hefur hann klárað þá alla í 1. lotu. Það er því ljóst að bardaginn í dag verður hörku bardagi.

Það er alþjóðlega MMA sambandið (IMMAF, International MMA Federation) sem stendur að mótinu en þetta er í fjórða sinn sem Heimsmeistaramót áhugamanna er haldið.

Ísland hefur þrívegis eignast Evrópumeistara áhugamanna í MMA. Þau Sunna Rannveig Davíðsdóttir og Bjarki Þór Pálsson tóku gullið á Evrópumeistaramótinu 2015 og Egill Øydvin Hjördísarson tók gull á Evrópumeistaramótinu 2016.

Ísland hefur ekki enn eignast gull á HM en Mjölnismaðurinn Björn Lúkas Haraldsson stefnir á gullið í ár.

https://www.instagram.com/p/BbceOY6HDDi/

Björn Lúkas var í viðtali við DV í maí síðastliðnum.

Heimasíða Heimsmeistaramótsins í MMA.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 17 klukkutímum

Gömul ummæli Jóns Péturs um einkunnakerfi rifjuð upp – Var ekki hrifinn af tölunum og fagnaði nýju kerfi

Gömul ummæli Jóns Péturs um einkunnakerfi rifjuð upp – Var ekki hrifinn af tölunum og fagnaði nýju kerfi
Pressan
Fyrir 18 klukkutímum

Telja sig hafa leyst ráðgátuna um hina dularfullu blóðsugu „chupacabra“

Telja sig hafa leyst ráðgátuna um hina dularfullu blóðsugu „chupacabra“
Eyjan
Fyrir 20 klukkutímum

Sigurður Hólmar skrifar: Glansmyndin Ísland

Sigurður Hólmar skrifar: Glansmyndin Ísland
Eyjan
Fyrir 21 klukkutímum

Björg Magnúsdóttir: Er það til góðs að rífast við einhverja hagfræðinga um millistykki og bílastæði?

Björg Magnúsdóttir: Er það til góðs að rífast við einhverja hagfræðinga um millistykki og bílastæði?
433Sport
Í gær

Amorim tjáir sig um kerfið sitt og gagnrýni – „Þú myndir ekki segja að öll lið sem spila 4-3-3 spili eins“

Amorim tjáir sig um kerfið sitt og gagnrýni – „Þú myndir ekki segja að öll lið sem spila 4-3-3 spili eins“
Fréttir
Í gær

Ibrahim lofar munaðarleysingjaheimili Óla í Kenýa – „Þetta hjálpaði mér andlega og ég lærði svo mikið af þeim“

Ibrahim lofar munaðarleysingjaheimili Óla í Kenýa – „Þetta hjálpaði mér andlega og ég lærði svo mikið af þeim“

Tarot Spil

Veldu þér spil og sjáðu spádóm þinn.